Kurdo Baksî hêjayî xelata 'Azadiya Îfadeyê ya David Isak' hat dîtin

2022-12-11 11:52:22


	 

	NAVENDA NÛÇEYAN - Ji rojnamevan û nivîskarên naskirî yên kurd ê li Swêdê Kurdo Baksî ji aliyê Kulûba Weşangeran a Swêdê ve hêjayî xelata 'Azadiya Îfadeyê ya David Isak' hate dîtin.

	 

	Xelata Azadiya Îfadeyê ya David Isak a Swêdê her sal ji kesên ji bo azadiya çapemeniyê, îfadeyê, demokrasî û azadiyê têdikoşin tê dayîn. Îsal jî rojnamevan û nivîskarê kurd Kurdo Baksî hêjayî xelastê hate dayîn. Xelat hêjayî 10 hezar kronê Swêdê ye.

	 

	Jûriyê bi minasebeta xelatê wiha got: “Kurdo Baksî bi dehan salan ji bo azadiya gotinê û nirxên mirovî mîna meşaleyekê bêtirs û bi xurtî têkoşiya. Lewma hêjayî xelatê hatiye dîtin."

	 

	Têkildarî xelatê Kurdo Baksî jî ji medyaya Swêdê re axivî û ev tişt anî ziman: “Ez ê xelata xwe ya pere ji bo çalakî û xwepêşandanên azadiya îfadeyê yên li dijî rejîma Erdogan bi kar bînim. Ji aliyekî ve Swêd ji ber têkoşîna min xelata azadiya îfadeyê dide min, li aliyê din jî rejîm û alîgirên Erdogan min bi dilxwazê terorê sûcdar dikin. Ya rast cîhan tev dizane ku dilxwazê rasteqîn ê terorê, rejîma Erdogan e.”