
Girtiyê nexweş ê hate îdiakirin ku ‘ketiye’ jiyana xwe ji dest da

2022-12-09 11:39:09


	&nbsp;

	&nbsp;

	ŞIRNEX - Girtiyê nexweşê penceşêrê Emre Abalak ê hate îdiakirin ku li girtîgehê ketiye û xwîn çûye ser mejiyê wî jiyana xwe ji dest da.

	&nbsp;

	Emre Abalak (26) ê nexweşê penceşêrê ku li Girtîgeha Tîpa T a Şirnexê dihate ragirtin, jiyana xwe ji dest da. Malbata Abalak diyar kir ku rayedarên girtîgehê ragihandine ku Abalak beriya du rojan li serşoka girtîgehê ketiye û xwîn çûye ser mejiyê wî û li ser vê yekê Abalak rakirine Fakulteya Tipê ya Zanîngeha Dîcleya Amedê. Malbatê ragihand ku Abalak duh li nexweşxaneya lê dihat dermankirin jiyana xwe ji dest daye.&nbsp;

	&nbsp;

	Cenazeyê Abalak duh bi şev li navçeya Silopiyayê hate definkirin. Hate hînbûn ku ji ber 20 sal cezayê hefsê ku li Abalak hatiye birîn û hatiye pejirandin hebû, Abalak hatiye girtin û 6 meh bû di girtîgehê de bû.&nbsp;

	&nbsp;

	&nbsp;

	&nbsp;