
Qeymeqamê ku zarokê 13 salî perçiqandibû bialkol û leza zêde derket 

2022-12-08 11:25:51


	&nbsp;

	AMED - Di rapora pispor de derket holê ku qeymeqamê Kercewsê Server Sînanoglû yê wesayîta fermî li zarokê 13 salî Muhammed qelibandibû, di kêliya qezayê de bi alkol bûye û leza wî du qat bi ser leza asayî re bûye.&nbsp;

	&nbsp;

	Li navçeya Bismilê ya Amedê di 15’ê tîrmehê de Qeymeqamê Kercewsa navçeya Êlihê Server Sînanoglû bi wesayîta fermî ya qeymeqamtiyê li Muhammed Çelîk ê 13 salî qelibandibû û ew kuştibû. Bi rapora heyeta pispor re derket holê ku kêliya ku qeymeqam Sînanoglû qeza kiriye bi alkol bûye yanî alkol vexwarîbûye û di nava bajêr de leza wî du qat bi ser leza asayî re bûye. Jİ Bavê Çelîk, Mûrat Çelîk re hatiye gotin û soz danê ku gilî neke û dê desteka madî û manevî bidinê. Mûrat Çelîk da zanîn ku piştî wî dest ji gilîkirinê berdaye soza ku dabûnê nehatiye cih û her li qeymeqam geriyaye jî bersiv wî nedaye.&nbsp;

	&nbsp;

	ALKOLÊ RED KIRIBÛ LÊ BIALKOL DERKET

	&nbsp;

	Dadgeha Amedê ji sûcê “bûye sedemê kuştina bizanebûn” derbarê qeymeqam de ji 2 salan û 8 mehan heta 9 salan doza cemaweriyê vekir. Her çiqas qeymeqam gotibû ew ne bi alkol bûye û leza wî asayî bûye jî lê di rapora pispor de berevajî gotinên wî derket. Di raporê de derket holê ku qeymeqamê gotibû ‘min alkol venexwaribû’ lê bi alkol derket.&nbsp;

	&nbsp;

	Malbata Çelîk destnîşan kir ku qeymeqam soza xwe bicih neaniye û ew ji qeymeqam gilîkar in û dixwazin mudaxilî dozê bibin.&nbsp;

	&nbsp;

	DOZGER CEZA XWEST&nbsp;

	&nbsp;

	Di danişîna dozê ku hat lidarxistin de dozger mutalaya xwe pêşkî dadgeriyê kir û xwest qeymeqam bê cezakirin.&nbsp;

	&nbsp;

	Dadger daxwaza parastinê ya parêzerê bersûc a li dijî mutalaya dozger li ber çavan girt û danişînê taloq kir.&nbsp;

	&nbsp;

	Derketibû holê piştî qezayê qeymeqam Sînanoglû 7 mehan di girtîgehê de maye û lê ew ji kar nehatiye dûrxistin. Her wiha derketibû holê ku pişti bûyerê Sînanoglû tayînî bajarê Çorûmê hatiye kirin û ew li Muşavîriya Hiqûqê ya Walîtiya Çorûmê hatiye wezîfedarkirin.&nbsp;

	&nbsp;