
KCDK-E û DBP: Divê hemû kes li her derê xwedî li Rojava derkeve 

2022-11-20 08:14:54


	&nbsp;

	NAVENDA NÛÇEYAN – KCDK-E û DBP’ê bi daxuyaniyên cuda êrişên dewleta tirk ên li dijî Bakur û Rojhilatê Sûriyeyê şermezar kirin û banga xwedîderketina li Rojava li gelê kurdan û her kesî kirin.&nbsp;

	&nbsp;

	Balafirên artêşa tirk duh di derengiya şevê de di serî de Kobanê, gelek deverên Bakur û Rojhilatê Sûriyeyê bi dijwarî bombebaran kir. Hevserokên Kongreya Civaka Demokratîk a Kurd-Ewropa (KCDK-E) têkildarî êrişê daxuyanî da. Di daxuyaniyê de êrişên dewleta tirk hatin şermezarkirin û ev tişt hat gotin: “Dewleta tirk a hov, bi awayekî hemwext Qendîl, Kobanê û Şehbayê bombebaran dike. Em li ku derê dibin bila bibin, divê li dijî van komkujiyên artêşa tirk a komkujer ên li ser xaka Kurdistanê ku sivîlan hedef digire, em bikevin nava liv û tevgerê.&nbsp;

	&nbsp;

	Dixwazin Rojava ku bi saya xwîna bi hezaran gerîlayên xwe li DAIŞ’ê şer kir, têk bir û azad bû, dîsa xwe bêxin nava tarîtiyê. Divê tu kurdistanî li dijî vê bêdeng nemîne û bikevin nava liv û tevgerê. Her wiha em hêzên navneteweyî yên ku qada hewayî ji balafirên dewleta tirk re vekirin jî şermezar dikin. Banga me li hemû meclis û pêkhateyên me, ji jinan heta ciwan, jin, kal û pîran ew e ku li dijî van êriş û komkujiyan xwedî li Kurdistanê derbikevin.”

	&nbsp;

	DBP: BI KOMPLOYAN DIXWAZIN BINGEHA KOMKUJIYAN AMADE BIKIN

	&nbsp;

	Navenda Giştî ya Partiya Herêmên Demokratîk (DBP) jî têkildarî êrişên Tirkiyeyê li ser hesaba xwe ya medyaya civakî peyamek parve kir. Di peyama xwe de ev tişt parve kirin: “Klîka şer a ku hebûna xwe bi şer diafirîne, domandina hebûna xwe di êrişa li dijî Kobanê de dît. Ev hêza ku hebûna xwe li ser înkarkirin û tunekirina kurdan dibîne, li pey digere ku rê li ber şer, serhildan û êşên mezin veke. Mîna kompasa li Îstîklalê, bi komployên ji dûrî aqil û hewl didin bingeha komujiyê amade bikin.”&nbsp;

	&nbsp;