
Li Kampa Holê 2 zarok hatin qetilkirin  

2022-11-15 16:46:14


	&nbsp;

	NAVENDA NÛÇEYAN – Li Kampa Holê ku malbatên DAIŞ’iyan lê dimînin 2 zarokên keç hatin qetilkirin.&nbsp;

	&nbsp;

	Li Kampa Holê ya li Kantona Hesekê ya Bakur û Rojhilatê Sûriyeyê ku bi înfazên DAIŞ’iyan di rojevê de ye, cenazeyên 2 zarokên keç ên 11 û 15 salî hatin dîtin. Li gorî nûçeya Ajansa Nûçeyan a Hawarê (ANHA); çavkaniyên li kampê da zanîn ku hêzên ewlekariyê l i Beşa Muhacîrat a ku jinên DAIŞ’î lê dimînin cenazeyên 2 zarokên keç hatin dîtin. Hat zanîn ku cenaze hatine parçekirin.&nbsp;

	&nbsp;

	Çavkaniyan da zanîn ku zarok bi eslê xwe ji Misrê ne lê belê têkildarî nasnameyên wan tu agahî nehatin parvekirin. Hêzên Ewlekariya Hundir derheqê mijarê de tu daxuyanî nedane.&nbsp;

	&nbsp;

	Hêjayî bibîrxistinê ye ku li kampa navborî gelek jin û zarok bi hinceta ku “li gorî fermana emîrên DAIŞ’ê tevnagerin” tên înfazkirin. Tevî ku hêzên li herêmê gelek caran bang li dewletan kirin ku hemwelatiyên xwe yên DAIŞ’î bibin û bidarizînin lê belê dewlet, xwe nadin ber vê daxwazê.&nbsp;

	&nbsp;