
Girtiyên nexweş ên di grevê de li qawîşên yekkesî tên ragirtin 

2022-11-10 11:45:30


	&nbsp;

	ENQERE - Li Girtîgeha bi Ewlehiya Bilind a Eregliyê girtiyên nexweş ên 38 roj e di greva birçîbûnê de ne, li qawîşên yekkesî tên ragirtin.&nbsp;

	&nbsp;

	Greva birçîbûnê ya bêdem û bêdorveger a 40 girtiyên nexweş ku li Girtîgeha bi Ewlehiya Bilind a Ereglî ya Konyayê li dijî binpêkirina mafan û şert û mercên tecrîda giran di 4’ê cotmehê de dabûn destpêkirin, berdewam dike. Girtiyê ji rojhilatê Kurdistanê Yakûp Brukanli li dijî şert û mercên tecrîda giran di 28’ê cotmehê de agir berda bedena xwe.&nbsp;

	&nbsp;

	Hat zanîn ku girtîgeha ku daxwazên girtiyan bicih nayîne, girtiyên nexweş ên di greva birçîbûnê de berî 2 heftayan xistine qawîşên yekkesî.&nbsp;

	&nbsp;

	DÊ DEST BI GREVA BÊDEM Û BÊDORVEGER BIKIN

	&nbsp;

	Girtî Mehmet Işiktaş di hevdîtina malbata xwe de anî ziman ku ew ji 11’ê tebaxê ve li qawîşên yekkesî tên ragirtin û wiha got: "Rayedarên girtîgehê ev 2 hefteye daxwazên me piştguh dike. Em ê vê hefteyê jî daxwazên xwe bînin ziman lê ger ew qebûl nekin, em ê greva xwe vegûherînin ya bêdem û bêdorveger."&nbsp;

	&nbsp;

	&nbsp;

	&nbsp;