
Tirkiye dibe sedem ku kolera li Sûriyeyê belav bibe  

2022-11-07 14:10:59


	&nbsp;

	ENQERE - HRW’ê daxuyand ku Tirkiye dike ku şewba kolera xedar ku li Sûriyê û welatên nêzî wê belav bûne belavtir bike û rewşa heyî li Bakur û Rojhilatê Sûriyê hin bêtir xeternak e.

	&nbsp;

	Rêxistina Şopandina Mafê Mirovan (HRW) li ser tehdîdên tenduristiya gel û metirsiyên qutkirina avê ji aliyê Tirkiyeyê ve li Sûriyeyê û Bakur û Rojhilatê Sûriyeyê daxuyaniyek da. Di daxuyaniyê de hat ragihandin ku Tirkiye ava Firatê qut kiriye û rê li ber herikîna herêmên kurdî asteng kiriye, di daxuyaniyê de wiha hat gotin: "Ciwaziya ku ji aliyê hikûmeta Sûriyeyê ve di alîkarî û xizmetguzariyên bingehîn de tê ferzkirin, her wiha astengkirina ewlekarî û hatinûçûnê ya li seranserî Sûriyê berdewam dike. Sûriye, bersivdayîna alîkariya însanî û lezgîn a têrker asteng dike. Qutkirina avê dibe sedema şewba kolerayê belavtir bibe.”&nbsp;

	&nbsp;

	DI 7 ROJAN DE 81 MIRIN &nbsp;

	&nbsp;

	Cîgirê Dîrektorê HRW’ê Adam Coogle hişyarî da û diyar kir ku heke mudaxele li krîza avê ya li Sûriyeyê û Bakur û Rojhilatê Sûriyeyê neyê kirin, wê şewba kolera bi xedarî bandorê li tenduristiya gel bike û got: "Ev ne nexweşiya herî dawî ya bi avê ye ku li Sûriyeyê bandor dike û nexweşî wê bidome. Ji 1’ê mijdarê ve Rêxistina Tenduristiyê ya Cîhanê (WHO) 81 mirin û zêdetirî 24,000 bûyerên gumanbar ên kolerayê li Sûriyê tomar kir. Ji wê demê ve kolera li Lubnana ku welatek ku berê rastî gelek qeyranan tê jî belav bûye.”&nbsp;

	&nbsp;

	AV JI SEDÎ 65 HAT KÊMKIRIN&nbsp;

	&nbsp;

	Di daxuyaniyê de tê gotin ku Tirkiye herikîna ava Çemê Firatê qutdike û ji sedî 65 av kêm bûye. Di daxuyaniyê de hat gotin Tirkiye sala par îdia kiriye ku pirsgirêka wê ya qutkirina avê heye û berpirsiyariya xwe ya daxistina asta avê red kir.&nbsp;

	&nbsp;

	Di daxuyaniyê de hat destnîşankirin ku Tirkiye demek dirêje hegomonya xwe ya li ser Çemê firatê wek am3urek siyasî bikar tîne û ev yek hem ji aliyê Iraqê ve hem jî ji aliyê Sûriyeyê ve hatiye ziman.&nbsp;

	&nbsp;