
Girtina rojnamevanan dê li Amedê were şermezarkirin 

2022-11-01 14:34:25


	&nbsp;

	AMED - Girtina 9 rojnamevanan a li Enqereyê wê li Amedê bi daxuyaniyeke çapemeniyê were şermezarkirin.&nbsp;

	&nbsp;

	Di pêşengtiya Komeleya Rojnamevanan a Dîcle Firatê (DFG) û Platforma Rojnamevanên Jin a Mezopotamyayê (MKGP) de girtina 9 rojnamevanan a li Enqereyê dê bê şermezarkirin.&nbsp;

	&nbsp;

	Bi daxwaza berdana rojnamevanan, bi dirûşmeya “Çapemeniya Azad Serî Natewîne” wê li ber avahiya DFG’ê ya li Kolana Hunerê ya semta Ofîsê ya navçeya Yenîşehîr a Amedê saet 12.00’an de daxuyaniyek bê dayîn. DFG’ê û MKGP’ê ji bo parastina mafê nûçe wergirtin û azadiya raman û çapemeniyê herkes vexwend daxuyaniyê.&nbsp;

	Di 25’ê cotmehê de Midûra Karên Nivîsê ya Ajansa Mezopotamyayê (MA) Dîren Yûrtsever, nûçegihanên MA'yê Denîz Nazlim, Selman Guzelyuz, Zemo Aggoz, Berîvan Altan, Hakan Yalçin, Emrûllah Acar, Ceylan Şahînlî û Mehmet Gunhanê ku demekê li MA'yê stajerî kiribû bi îşkenceyê hatibûn binçavkirin.

	&nbsp;

	Di çarçoveya lêpirsîna Serdozgeriya Komarê ya Enqereyê dabû destpêkirin de di 25'ê cotmehê de Midûra Karên Nivîsê ya Ajansa Mezopotamyayê (MA) Dîren Yûrtsever, nûçegihanên MA'yê Denîz Nazlim, Selman Guzelyuz, Berîvan Altan, Hakan Yalçin, Emrûllah Acar, Ceylan Şahînlî, nûçegihanên JINNEWS'ê Habîbe Eren û Oznûr Deger bi îşkenceya polîsan hatin binçavkirin û di 29’ê cotmehê de bi îdiaya “endamtiya rêxistinê” hatin girtin. Nûçegihana MA’yê Zemo Aggoz a di bin çavan de bi cezayê hefsa malê, Mehmet Gunhanê ku demekê li MA'yê stajerî kiribû jî bi şertê kontrola edlî hatibû berdan.&nbsp;

	&nbsp;