
Amedsporê tîma Esenler Eroksporê têk bir û di lîgê de derket rêza yekemîn

2022-10-30 16:51:48


	&nbsp;

	&nbsp;AMED –Amedspor di maça deplasmanê ya bi Esenler Eroksporê de 1-2 bi ser ket û di lîgê de derket rêza yekemîn.

	&nbsp;

	Di Koma Spî ya Lîga 2’yemîn a Federasyona Fûtbolê ya Tirkiyeyê (TFF) de Amedspor di heftaya 12’emîn de li deplasmana Esenler Eroksporê lîst. Amedspor li hemberî Esenler Erokspor 1-2 bi ser ket.

	&nbsp;

	Maç, li Stada Esenler Erokspor hat lîstîn. Ji ber cezayê li Amedsporê hatiye birîn, alîgirên Amedsporê nekarîn bikevin stadyûmê.&nbsp;

	&nbsp;

	Di deqeya 14’an a maçê de futbolvanê Esenler Eroksporê Serdar Cansu bi şaştî gol avête qaleya xwe û bi vê yekê re Amedspor 0-1 kete pêşiyê. Beşa ewil a maçê 0-1’ê bi dawî bû.&nbsp;

	&nbsp;

	Di beşa duyemîn a maçê de futbolvanê Amedsporê Mehmet Gurkan Ozturk di deqeya 90+2’yê de golek avêt û bi vê yekê re maç bû 0-2. Di deqeya dawî ya maçê de jî futbolvanê Esenler Eroksporê Berk Îsmaîl Unsal ji penaltiyê golek avêt û maç bû 1-2.&nbsp;

	&nbsp;

	Maça di navbera Esenler Erokspor û Amedsporê de 1-2 bi dawî bû.&nbsp;

	&nbsp;

	Bi qezenckirina vê maçê re pûanên Amedsporê derket 22’yan û di lîgê de jî bû tîma yekemîn. Esenler Erokspor jî bi 20 pûanan duyemîn tîma di lîgê de ye.

	&nbsp;

	Amespor dê hefteya pêşiyê bi Ankarasporê re bilîze.&nbsp;

	&nbsp;