
Îdianameya der barê qezaya Dêrikê de hat amadekirin 

2022-10-29 09:39:37


	&nbsp;

	MÊRDÎN - Di dosyeya têkildarî qezaya li Dêrikê de ku 20 kesî jiyana xwe ji dest dabû, hat xwestin ku ji 5 salan heta 15 salan ceza li 2 jê ajovan 5 kesan bê birîn. Her wiha der barê kesên ihmalkar de jî tu tişt di dosyeyê de tune ye.

	&nbsp;&nbsp;

	Li navçeya Dêrikê ya Mêrdînê di 20’ê Tebaxê de 2 TIR’ên ku ji Tesîsên Etî Bakir a Cengîz Holdînga bar hilgirtibûn û bi rê ketibûn, di rê de qeza kiribûn û bûbûn sedema mirina 21 kesî. Dadgeriya Cezayê Sulhê ya Dêrikê jî der barê qezayê de biryara "qedexeya weşanê" dabû, lê derketibû holê ku di qezayê de gelek îhmalkarî hene û Navenda Koordînasyona Veguhastinê (UKOME) ji bo rêya ku qeza lê çêbûbû pêşniyaz kiribû ku rê li ber wesayîtên tonajgiran bê girtin, lê pêşnîyaza wê ji aliyê Qeymeqamtiya Dêrikê û Amîrtiya Polîsan a Dêrikê ve nehatibû bersivandin û bi vî awayî çûnhatine wesayîtên tonajgiran dewam kiribû.&nbsp;

	&nbsp;

	Lêpirsîna der barê qezayê de temam bû. Di çarçoveya lêpirsînê de, der barê ajovanên TIR'ê Ûmût G. û Yûnûs Ş. û xwediyên fîrmayê Kerem G., Mehmet A. û Kerevan Mesût G. de îdianame hat amadekirin. Di îdianameyê de hat xwestin ku bi sûcê "ji ber bûne sedema gelek kesan û birîndarkirina wan" ji 5 salan heya 15 salan ceza li her 5 kesan bê birîn. 47 kesên birîndar bûne û xizmên 20 kesên jiyana xwe ji dest dane daxilî dosyeyê bnûne. Dadgeha Cezayê Giran a 1'ê ya Mêrdînê îdianame qebûl kir.&nbsp;

	&nbsp;

	Di îdianameyê de li ser rapora pêzaniyê hatiye sekinandin. Hatiye diyarkirin ku ajovanên TIR'ê guh li pîvanên çûnhatinê nekirine. Her wiha di girteka qezayê de "kêmasiya" ajovanan Ûmût G. û Yûnûs Ş. hatiye destnîşankirin.&nbsp;

	&nbsp;

	Di îdianameyê de ji bo Kerem G., xwediyê fîrmaya ku TIR'a yekemîn, hatiey gotin ku ji ber ku ajovanê belgeyên wî yên ajovaniyê tune ne daniye ser wesayîtê û wesayît li gorî şertên teknîkê nehatiye birêkirin îhmalkariya wî heye. Ji bo xwediyê TIR'a duyemîn Mehmet A. jî heman tişt hatine gotin û hatiye4 destnîşan kirin ku di qezayê de îhmalkariya wan heye.&nbsp;

	&nbsp;

	Lê belê di îdianameyê de navê tu rayedarên fîrmaya Etî Bankê ya girêdayî Cengîz Holdîngê û Qeymeqamtiya Dêrikê û Midûriyeta Polîsan a Dêrikê ku guh li hişyariyên UKOME'yê yên ji bo çêkirina rê û çûnhatina wesayîtên bargiran nekiribûn tune ye.&nbsp;

	&nbsp;

	MA / Ahmet Kanbal

	&nbsp;