
11 rojnameger hatin binçavkirin   

2022-10-25 12:00:49


	NAVENDA NÛÇEYAN - Di encama serdegirtinên malên rojnamegeran ên li Enqere û 6 bajarên din de 11 rojnameger hatin binçavkirin.&nbsp;

	&nbsp;

	Di çarçoveya lêpirsîna Serdozgeriya Komarê ya Enqereyê ya derheqê rojnamegeran de, polîsan li Enqere, Wan, Stenbol, Amed, Riha, Mêrsîn û Mêrdînê bi awayekî hemwext bi ser malên gelek rojnamegeran de girtin. Di encama serdegirtinên malan de Midûra Karên Nivîsan a Ajansa Mezopotamyayê (MA) Dîren Yurtsever, nûçegihanên MA’yê Denîz Nazlim, Selman Guzelyuz, Zemo Aggoz, Berîvan Altan, Hakan Yalçin, Emrûllah Acar û Ceylan Şahînlî û nûçegihanên JINNEWS’ê Habîbe Eren û Oznûr Deger hatin binçavkirin. &nbsp;Li ser dosyayê biryara bisînorkirinê heye û hat zanîn ku rojnamegerên ji bajarên cuda hatin binçavkirin dê derbasî Enqereyê bên kirin. Tê payîn ku hejmara binçavkiriyan zêdetir bibe.&nbsp;

	&nbsp;

	Nûçegihana JINNEWS’ê Derya Ren jî di çarçoveya lêpirsîneke cuda de li Amedê di encama serdegirtina malê de hat binçavkirin.&nbsp;

	&nbsp;