
Ji bo doza Apê Mûsa serî li AYM'ê dan 

2022-10-20 23:20:34


	&nbsp;

	ENQERE – Malbata Mûsa Anter û parêzerê malbatê Selîm Okçûoglû têkildarî biryara "demboriyê" ya der barê doza Mûsa Anter de serî li AYM'ê dan. Doza Mûsa Anter di 21'ê Îlona 2022'yan de ketibû ber demboriyê.&nbsp;

	&nbsp;

	Danişîna biryardayînê ya doza Apê Mûsa (Mûsa Anter) ku di 20'ê Îlona 1992'yan de li Amedê hatibû qetilkirin, di 21'ê Îlonê de li Dadgeha Cezayê Giran a 6'an a Enqereyê hatibû lidarxistin. Dadgehê biryar dabû ku doz têkeve ber demboriyê.&nbsp;

	&nbsp;

	Mehek di ser biryarê re derbas bûye, lê hê jî heyeta dadgehê hinceta biryara xwe eşkere nekiriye.&nbsp;

	&nbsp;

	SERÎ LI AYM'Ê DAN

	&nbsp;

	Piştî biryara dadgehê malbata Anter û parêzerê malbatê Selîm Okçûoglû serî li Dadgeha Îdare ya Herêmê ya Enqereyê dabûn. Di ser serlêdanê re 3 hefte derbas bûne lê hê jî dadgehê hinceta biryara xwe eşkere nekiriye. Ji ber vê yekê malbatê û parêzerê malbatê têkildarî biryara "demboriyê" serî li Dadgeha Destûra Bingehîn (AYM) dan.&nbsp;