
Tirkiyeyê li Başûr di rojekê de 14 caran çekên kîmyewî bi kar anîn  

2022-10-18 15:05:24


	&nbsp;

	NAVENDA NÛÇEYAN - Hat ragihandin ku Tirkiyeyê di êrişên xwe yên li dijî Herêma Federal a Kurdistanê de tenê di rojekê de 14 caran çekên kîmyewî bi kar anîn.&nbsp;

	&nbsp;

	Êrişên bi çekên kîmyewî yên dewleta tirk ên li dijî Herêma Federal a Kurdistanê berdewam in. Li gorî nûçeya Ajansa Nûçeyan a Firatê (ANF), HPG’ê bi daxuyaniyekê ragihand ku artêşa tirk di rojekê de 14 caran bombeyên qedexekirî û çekên kîmyewî li dijî hêzên wan bi kar anîn.&nbsp;

	&nbsp;

	Di daxuyaniyê de hat destnîşankirin ku artêşa tirk her wiha 28 ceran bi helîkopteran êriş pêk anîn û bi tank û çekên giran jî bi dehan caran herêm topbabaran kir.&nbsp;

	&nbsp;

	Di daxuyaniya nava rojê de hatibû ragihandin ku di encama bikaranîna çekên kîmyewî de 17 endamên HPG’ê jiyana xwe ji dest dane.&nbsp;

	&nbsp;