
RSF’yê ji bo Akarsel daxuyanî da: Dengekî femînîst ê xurt hate bêdengkirin 

2022-10-06 14:12:04


	&nbsp;

	ENQERE - Rêxistina Rojnamevanên Sînor Nenas, qetilkirina Edîtora Kovara Jineolojiyê Nagîhan Akarsel şermezar kir û wiha got: “Dengekî femînîst ê xurt ê kurd hate bêdengkirin.”

	&nbsp;

	Rêxistina Rojnamevanên Sînor Nenas (RSF) a navenda wê li Parîsê bi gotina “Dengekî femînîst ê xurt ê kurd hate bêdengkirin” qetilkirina Edîtora Kovara Jineolojiyê Nagîhan Akarsel ya di 4’ê cotmehê de di encama êrişeke çekdarî ya li ber deriyê mala xwe ya li bajarê Silêmaniyê şermezar kir.&nbsp;

	&nbsp;

	RSF’ê bi bîr xist ku ev yek di salekê de “êrîşa pêncemîn a suîqestê ya li dijî kesayetên kurd an jî aktîvîstên li dijî dewleta tirk rexne dike” ye.

	&nbsp;

	Buroya RSF’ê ya Rojhilata Navîn jî wiha got: “RSF kuştina rojnamevan a femînîst û nivîskara kurd Nagîhan Akarsel ku di demeke jinên kurd ji bo rizgariya jinan, pêşengtiyê ji serhildanê re dikin de bi tundî şermezar dike.”

	&nbsp;

	Di daxuyaniyê de ji rayedarên herêmî hate xwestin ku bûyer bi hemû aliyan ve bê ronîkirin, faîl bên darizandin û ji bo Akarsel edalet pêk were.&nbsp;

	&nbsp;

	&nbsp;