
Kesên di şermezarkirina Amedê de hatibûn binçavkirin hatin berdan

2022-10-05 08:21:28


	AMED - 6 kesên ku di nav de nûçegihana me Eylem Akdag jî hebû di çalakiya şermezarkirinê ya têkildarî qetilkirina Nagîhan Akarsel de hatibûn binçavkirin, hatin berdan.&nbsp;

	Li Amedê duh ji bo qetilkirina endama Navenda Lêkolînê ya Jineolojiyê û edîtora wê Nagîhan Akarsel a li bajarê Silêmanî yê Herêma Kurdistana Federe rastî êrişeke çekdarî hat çalakiya şermezarkirinê hate lidarxistin. 6 kesên k udi çalakiyê de hatibûn binçavkirin, hatin berdan. Di daxuyaniya li Hazal Parkê hate kirin de nûçegihana Ajansa me ya Mezopotamyayê (MA) Eylem Akdag, rojnamevan Azat Taşkin, Serokê Partiya Karkeran a Tirkiyeyê (TÎP) yê Amedê Salîh Sargin, Vedat Saçan, Fermandar Kardeş û Pehlîvan Jiyan Şûrzan hatin binçavkirin û ew birin Qereqola Polîsan a Şehîtler a navçeya Yenîşehîrê.&nbsp;

	&nbsp;

	Derbarê her 6 kesan de bi sûcên “Muxalefeta li dijî qanûna Xwepêşandan û Meşê ya bi hejmara 2911” û “Propagandaya rêxistinê” kirarî hatin kirin. Hate hînbûn ku di kirariyên îfadeyan de pirsa “Hûn bi fermana kê hatin?” û dirûşmeya “Şehîd namirin” hatiye pirsîn.&nbsp;

	&nbsp;

	6 kes piştî kirariyên îfadeyan ên bi saetan dom kirin ji ber bên berdan ji bo kontrola tenduristiyê birin Nexweşxaneya Dewletê ya Selahaddîn Eyûbî. Her 6 kes piştî kirariyên îfadeyan saet 02.20’an de hatin berdan. &nbsp;

	&nbsp;

	&nbsp;