
Di teqîna Geverê de herî kêm 3 polîs birîndar bûn

2022-10-04 15:13:59


	&nbsp;

	COLEMÊRG - Hat zanîn ku di teqîna duh bi şev a navçeya Geverê de yek jê giran herî kêm 3 polîs birîndar bûne.&nbsp;

	&nbsp;

	Duh bi şev nêzî Qereqola Polîsan a 75’încî Yilê ku li Taxa Kişla ya girêdayî navçeya Gevera Colemêrgê ye di navbera saet 22.00’an û 01.00’an de du teqînên mezin pêk hatin. Piştî teqînê wesayîta zirxî ya ku polîsên hêzên taybet tê de bû û diçû Taxa Ormanê hate gulebarankirin. Demeke dirêj dengê çekan ji herêma bûyer lê qewimî hatin. Li gor agahiyên bi dest ketine yek jê giran herî kêm 3 polîs birîndar bûne. Hat destnîşankirin ku polîsên birîndar bûne birine Nexweşxaneya Sahrayê. &nbsp;

	&nbsp;

	TAX DI BIN DORPÊÇÊ DE YE

	&nbsp;

	Piştî teqînan tax ji aliyê sedan polîsan ve hat dorpêçkirin. Polîsên ku li ser hinek malan de girtin, nasnameyên şêniyên taxê ji kontrolê derbas kirin. Hat ragihandin ku polîsan tundî û heqaret li hinek kesan kirine. Piştî teqînê kamerayên qereqolê hatin guherandin. Li gel vê yekê ardeyên li ber der û paceyên qereqolê hatin qahîmkirin û dora wan bi mertalên çelîk hatin girtin. Sedan polîs li Taxa Orman û Kişlayê lêgerîna xwe didomînin. Nivîsên “Bijî Serok Apo” û “Silav ji kesên Zapê heya Avaşînê li ber xwe didin re” ên li ser dîwaran hatibûn nivîsîn jî tên jêbirin. &nbsp;

	&nbsp;

	Bi ronibûna rojê derket holê ku li cihê teqîn lê çêbûye paceyên gelek kargehan şikestine û dîwarên wan qul bûne.&nbsp;

	&nbsp;

	&nbsp;

	&nbsp;

	&nbsp;

	&nbsp;