
HDP’ê li Rihayê serdana esnafan kir  

2022-09-29 14:28:19


	&nbsp;

	RIHA - Rêveberiya HDP’a Rihayê li Pasaja Kapakliyê serdana esnafan kir û li gulî û gazinên esnafan guhdar kir.&nbsp;

	&nbsp;

	Rêxistina HDP’ê ya Bajarê Rihayê serdana esnafên Pasaja Kapakli ku bênavber polîs bi hêceta telefonên “qaçax” lê hene dikin, kir. Parlamentera HDP’ê ya Rihayê Ayşe Surucu û hevserok û rêveberên bajêr û navçeyên HDP’ê beşdarî serdanê bûn.&nbsp;

	&nbsp;

	Esnafan şandeya HDP’ê pêşwazî kir. Esnafan pirsgirêkên xwe yên ekonomîk ji şandeya HDP’ê re kirin û tengasî û gilî gazinên xwe vegotin. Esnafek ku telefonan difiroşe diyar kir ku pereyê telefonek niha çend sal berê xaniyek pê dihat kirîn û niha tiştek nayê kirîn. Esnaf got bihayê telefonekê derketiye 50 hezar lîre.&nbsp;

	&nbsp;

	Esnafekî jî destnîşan kir ku polîsên ku bi hêceta “qaçaxiyê” bi ser pasajê ve digirin ew bi xwe jî telefonên qaçax bikar tînin.&nbsp;

	&nbsp;

	Parlamenter Ayşe Surucu jî da zanîn ku pirsgirêkên esnafan hevpar in û ew li cem esnafên xwe ne û divê li dijî krîzê û vê rewşa tengav têkoşîn bê kirin.&nbsp;

	&nbsp;

	&nbsp;