
Li Geverê îşkence li gundiyan kirin û sîxûrtî lê ferzkirin 

2022-09-21 11:46:52


	&nbsp;

	COLEMÊRG - Artêşa tirk di çarçoveya operasyona leşkerî ya li Geverê de li gundê Memkavayê 10 û li gundê Darê jî kesek binçav kiribûn. Ji binçavkiriyan 10 jê hatin berdan û Esat Çakmak jî ev sê roj in rastî îşkenceyeke giran tê û hê di bin çavan de ye.&nbsp;

	&nbsp;

	Artêşa tirk di 18’ê îlonê di saetên serê sibehê de li gundên Darê, Memkava, Nêbarê û Kaport ên girêdayî Gever a Colemêrgê operasyona leşkerî da destpêkirin. Di dema operasyonê de li zozanên Kaport û Memkavayê di navbera artêşa tirk û HPG/YJA Starê de pevçûn derket. Pevçûn bi saetan domiya. Piştî pevçûnan jî leşkeran bi ser gundê Memkavayê de girt, şêniyên gund ji malên wan derxistin û di malan de lêgerîn kirin. Di dema serdegirtinê de 10 kesên ji malbata Ozkaplan hatin binçavkirin û şandin Midûriyeta Emniyetê ya Geverê. Her wiha li gundê Darê jî welatiyê bi navê Esat Çakmak hat binçavkirin.&nbsp;

	&nbsp;

	10 BINÇAVKIRYÊN MEVKAYÊ HATIN BERDAN

	&nbsp;

	Piştî bidawîbûna qedexeya hevdîtinê, parêzer çûn hevdîtina binçavkiriyan. Hat zanîn ku welatiyên bi navên Zenûre Ozkaplan, Zîna Ozkaplan, Adîle Ozkaplan, Jiyan Ozkaplan û Îlham Ozkaplan û 4 welatiyên din piştî kar û barên îfadegirtinê yên li midûriyeta emniyetê, di saetên êvarê yên 19’ê îlonê de hatin berdan. Xwediyê malê Osman Ozkaplan jî sewqî dozgeriyê hat kirin û bi şertê kontrola edlî hat berdan. Hat zanîn ku Çakmak jî ji roja hatiye binçavkirin heta niha rastî îşkenceyeke giran hatiye û hêj di bin çavan de ye.&nbsp;

	&nbsp;

	SÎXÛRTÎ LI GUNDIYAN FERZ KIRIN

	&nbsp;

	Şêniyên ku di êvara 19’ê îlonê de li emniyetê hatin berdan, di heman şevê de ji hêla leşkerên Fermandariya Cendirmeyan a Harûnayê ve hatin binçavkirin. Hat zanîn ku leşkeran sîxûrtî li şêniyan ferz kiriye û jê xwestin ku heke li gund bûyerek biqewime, alîkariyê bidin leşkeran. Bi saetan piştî binçavkirinê, şêniyên gund dîsa hatin berdan.&nbsp;

	&nbsp;