
Nobeta Edaletê: Heta tecrîd ranebe demokrasî pêk nayê

2022-09-14 16:29:19


	&nbsp;

	ÎZMÎR - Xizmên girtiyên nexweş û yên înfaza wan hatiye şewitandin ên Îzmîrê di Nobeta Edaletê ya îro de diyar kirin ku heta tecrîda li ser Girtîgeha Îmraliyê bi dawî nebe dê demokrasî pêk neyê.&nbsp;

	&nbsp;

	Bi mebesta berdana girtiyên nexweş û yên înfaza wan hatiye şewitandin, malbatên girtiyan li Îzmîrê dest bi çalakiya Nobeta Edaletê kiribûn. Çalakiya malbatan di roja 112’an de li pêşiya Girtîgeha Tîpa F a Kiriklar a Bucayê berdewam kir. Di çalakiyê de malbatan pêşmalkên “Azadî ji girtiyên nexweş re” li xwe kiribûn û gelek caran dirûşmên “Heq, hiqûq, edalet”, “Girtiyên siyasî rûmeta me ne” û “Bijî berxwedana zindanan” berz kirin. Parlamenterê Partiya Demokratîk a Gelan (HDP) Mûsa Pîroglû û rêxistinên HDP’ê yên navçeyên Çîglî û Balçovayê, rêxistina bajar a Aydinê û navçeya Germencîkê jî piştgirî dan malbatan.&nbsp;

	&nbsp;

	Ji xizmên girtiyan Fehîme Poyraz da zanîn ku rewşa girtiya nexweş Aysel Tugluk xerabe û xwest ku hemû girtiyên nexweş bên berdan.&nbsp;

	&nbsp;

	PÎROGLÛ: BERPIRSYAR DESTHILATDARÎ YE

	&nbsp;

	Piştre jî parlamenterê HDP’ê Mûsa Pîroglû axivî û wiha got: “Bi sedan girtiyên nexweş terkî mirinê hatine kirin. Li girtîgehan cînayetên organîzekirî tên kirin. Bi zanebûn girtiyan terkî mirinê dikin. ATK, rêveberiyên girtîgehan, wezareta edaletê û desthilatdarî berpirsyarên van cînayetan in. Em jî bi bêdengiya xwe dibin şirîkên van cînayetan. Divê êdî hemû kes dengê xwe derxîne. Li Girtîgeha Kiriklarê 8 girtiyên nexweş dest bi greva birçîbûnê kirine. Daxwaza wan jî ew e ku rêveberiya girtîgehê li gorî qanûnan tevbigere. Li welatekî rojnameger û girtiyên nexweş di girtîgehê de, azadî û demokrasî nabe. Heta ku Îmrali di tecrîdê de be, dê tu carî demokrasî neyê vî welatî. Banga me ji bo hemû hêzên ked û demokrasiyê ew e ku têkoşîneke hevpar bimeşînin. Cihê ku ev têkoşîne lê dest pê dike jî têkoşîna girtiyên nexweş e.”&nbsp;

	&nbsp;

	NOBETA LI DENÎZLIYÊ DIDOME

	&nbsp;

	Her wiha çalakiya greva birçîbûnê ya girtiyê nexweş Ekîm Polat (24) ku li Girtîgeha Tîpa T a Denîzliyê tê ragirtin, kete roja 45’an. Dayika Polat, Songul Îlker ji bo daxwazên kurê wê bên qebûlkirin, li pêşiya girtîgehê dest bi çalakiya rûniştinê kiribû û çalakiya wê kete roja 37’an. Dayika Polat da zanîn ku doza kurê wê li Edliyeya Denîzliyê hebû lê neanîne û rewş wî her ku diçe xerabtir dibe.&nbsp;

	&nbsp;