Hevseroka Giştî ya DBP'ê û parlementerên HDP'î Semra Guzelê ziyaret kirin 

2022-09-12 20:46:43


	 

	STENBOL - Hevseroka Giştî ya DBP'ê Salîha Aydenîz û parlementerên HDP'ê, li Girtîgeha Marmarayê serdana Parlementera Amedê Semra Guzelê kirin. 

	 

	Hevseroka Giştî ya Partiya Herêmên Demokratîk (DBP) Salîha Aydenîz û Parlementera Partiya Demokratîk a Gelan (HDP) a Amedê Dersim Dag û Parlementerê HDP'ê yê Êlihê Mehmet Ruştu Tiryakî çûn Girtîgeha Marmarayê (Sîlîvrî) serdana Parlementera HDP'ê ya Amedê Semra Guzelê kirin. 

	 

	DBP'ê li ser hesabê xwe yê medyaya sanal wiha got: "Hevseroka me ya giştî Salîha Aydenîz tevî parlementera Amedê Dersim Dag û parlementerê Êlihê Mehmet Ruştu Tiryakî serdana parlementera Amedê Semra Guzelê kirin ku di Girtîgeha Marmarayê de rehîn hatiye girtin. Parlementera me Semra Guzelê silav ji hemû dost û hevalan re şandiye û moralê wê baş e."