
Dadger: Hûn dixwazin Erdogan bînin danişînê! 

2022-09-10 13:31:54


	ENQERE - Dadgehê di danişîna 16’emîn a Doza Kobanê de biryara xwe eşkere kir û diyar kir ku heke HDP’yî û parêze Serokkomar Erdogan bînin danişînê dê lê bê guhdarîkirin.

	Danişîna 16’emîn a Doza Kobanê ku Hevserokên Giştî yên HDP’ê yên berê, endamên MYK’a HDP’ê ya berê di nav de 20 jê girtî 108 siyasetmedar jê tên darizandin, li 22’yemîn Dadgeha Cezayê Giran a li Kampûsa Girtîgeha Sîncanê hat lidarxistin. Danişîna 16’emîn a dozê duh bi dawî bû.&nbsp;

	&nbsp;

	Biryara navberê ya ku şandeya dadgehê têkildarî danişîna 16’emîn de amade kir, li pergala UYAP’ê hat barkirin.&nbsp;

	&nbsp;

	DAXWAZ HATIN REDKIRIN&nbsp;

	&nbsp;

	Di biryara navberê de hat dîtin ku şandeya dadgehê hemû daxwazên parêzer û siyasetmedaran hatine edkirin û her wiha daxwaza bila Wezîrê Karê Navxweyî yê wê demê Efkan Ala, Serokê MÎT’ê Hakan Fîdan, Musteşarê MÎT’ê yê berê Emre Tner, Serokwezîrê berê Ahmet Davûtoglû û Serokkomar Tayyîp Erdogan wek şahid bên guhdarîkirin jî hat redkirin.&nbsp;

	&nbsp;

	Şandeya dadgehê di biryara navberê de gotiye heke HDP’yî û parêzer dikaribin Erdogan, Ala, Fîdan, Taner û Davûtoglû bînin danişînê dê li wan bê guhdarîkirin.&nbsp;

	&nbsp;

	Dadgehê derbarê 20 siyasetmedarên girtî de biryara berdewama girtinê da û du hefte navberê da danişînê. Periyoda danişînek din dê di 26-27-29-30’ê îlonê û 03-04-06-07’ê cotmehê de bê lidarxistin.&nbsp;

	&nbsp;