Danişîna doza rojnamevan Kaya hat taloqkirin 

2022-09-06 19:51:55


	 

	AGIRÎ - Danişîna doza Abdûllah Kaya, nûçegihanê DÎHA'yê ya ku bi KHK'ê hatibû girtin, hat taloqkirin. 

	 

	Danişîna 19'an a doza Abdûllah Kaya, nûçegihanê Ajansa Nûçeyan a Dîcleyê (DÎHA) ya ku bi Biryarnameya di Hikmê Qanûnê de (KHK) hatibû girtin, li Dadgeha Cezayê Giran a 2'yan a Agiriyê hat lidarxistin. Rojnamevan Kaya û parêzerên wî mazeret nîşan dan û tevlî danişînê nebûn. 

	 

	Meqama îdiayê xwest kêmasiyên dosyeyê bên temamkirin û dadgehê jî danişîn taloqî 15'ê Mijdarê kir. 

	 

	Doz bi îdiaya "endamtiya rêxistinê û "alîkariya ji bo rêxistinê" li Kaya hatibû vekirin.