
Şeva piştevaniya bi rojnamevanên girtî re: Em ê her deynê xwe bidin

2022-08-28 20:22:00


	STENBOL &nbsp;- NÇM bi armanca piştgiriya ji bo 16 rojnamevanên girtî û çapemeniya azad şeva piştgiriyê li dar xist. Rojnamevan Huseyîn Aykol axivî û got: "Bi dehan rojnamean hatin kuştin û bi sedan rojnamevan hatin girtin. Em ê her deynê xwe bidin."&nbsp;

	&nbsp;

	
		Navenda Çanda Mezopotamya (NÇM) bi armanca piştevaniya bi 16 rojnamegerên kurd ku li Amedê hatin girtin û çapemeniya azad, li Navenda Çandê ya Cemîl Candaş a Şîşliyê şeva piştgiriyê li dar xist. Gelek rojnamevan, siyasetmedar, parêzvanên mafê mirovan, parlamenter, hiqûqnas, nûnerên rêxistinên jinan, nûnerên rêxistinên sivîl, hunermend, Dayikên Aştiyê û kes tev li bernameyê bûn.&nbsp;
	
		&nbsp;
	
		Bernameyê bi deqîqeyek rêzgirtina ji bo bîranîna rojnamevanên hatine kuştin dest pê kir. Sînevziyona ku qala têkoşîna rojnamevanên kurd dikir hat pêşandan.&nbsp;
	
		&nbsp;
	
		Pişt re nameya Midûra JinNewsê Safiye Alagaş a li Girtîgeha Amedê ya Jinan girtî hat xwendin û di peyamê de tevahiya beşdar hatin silavkirin û ji bo vê şevê malavatiya NÇM'ê kir. Alagaş da zanîn ku wan pênûsa xwe ji Mûsa Anteri Gurbetelî Ersoz, Nûjiyan Erhan, Denîz Firat û ji dehan şehîdên çapemeniya azad dewr girtine û kêliyek jî ji destê xwe nexistine û dê nexînin.&nbsp;
	
		&nbsp;
	
		Piştre endama Teatra Jiyana Nû Rûgeş Kirici axivî û bal kişand ser girîngî û wateya şevê û qala rastiya çapemeniya azad kirin.&nbsp;
	
		&nbsp;
	
		Pişt re grûba Bandista derket ser dikê û strîn.&nbsp;
	
		&nbsp;
	
		‘EM DEYNÊ XWE DIDIN'&nbsp;
	
		&nbsp;
	
		Paşê rojnamevan Huseyîn Aykol axivî û bi bîr xist ku çapemeniya azad 33 sal li pey xweh işt û di van salan de nêzî 50 rojnameyan derxistine. Aykol anî ziman ku wan serî netewandiye, heqîqet nivîsandine û ragihandine û got: "Me bi dehan rojnamevan şehîd di vê rêyê de da. Bi sedan hevalên me rojnamevan hatin girtin û darizandin. Em hê jî tên girtin. Me serî netewand û em ê netewînin. Me deynê xwe da û em ê her deynê xwe bidin."&nbsp;
	
		&nbsp;
	
		PEYAMÊN PIŞTEVANIYÊ&nbsp;
	
		&nbsp;
	
		Her wiha peyamên ku siyasetmedar, parêzvanên mafê mirovan, rojnamevan û rewşenbîrên ku şandibûn şevê hatin xwendin û dilsoziya xwe ya bi çapemeniya azad re anîn ziman. Her wiha peyamên bi rêya vîdeoyê yên hunermend Suavî, Şanar Yurdatapan, Kawa, Dîcle Anter, Tulîn Ozen û Husnu Arkan şandibûn hatin nîşandan.&nbsp;
	
		&nbsp;
	
		Şev li ber stranên Aryen Kom û hunermend Kadîr Çat bi dawî bû.&nbsp;
	
		&nbsp;


	&nbsp;