
Li çiyayê Qereçoxê li dijî DAIŞ’ê operasyon hat destpêkirin

2022-08-27 16:40:13


	&nbsp;

	NAVENDA NÛÇEYAN - Şaneya Ragihandinê ya Iraqê ragihand ku li çiyayê Qereçoxa Mexmûr û Kerkûkê li dijî DAIŞ’ê operasyonek nû hatiye despêkirin û stargehên çeteyan hatine bombekirin.

	&nbsp;

	Li gor agihiyên nûçeyekî Rojnewsê Şaneya Ragihandina Ewlekariyê ya Iraqê bi daxuyaniyekê ragihand ku danê siharê Hêzên Iraqê piştî dawiya qonaxa pêncem a Operasyona ‘Cesareta Polayî’, qonaxa şeşem a operasyonê dane destpêkirin.

	&nbsp;

	Di daxuyaniyê de hat diyarkirin ku bi balefiran navend û stargehên çeteyên DAIŞ’ê tên bombebarankirin. Di berdewama daxuyaniyê hat ragihandin ku bombebaran bi balefirên 159-L li navçeya Zabî ya bajarokê Hewîce yê li ser sînorê di navbera fermandariyên operasyonên Kerkûk û Nînowayê de hatine encamdan.

	&nbsp;

	Herwiha fermandarê Xwebexş ê Pêşmerge Xazî Feysel jî ragihand ku danê siharê balafirên Hêzên Hevpeymana dijî DAIŞ’ê navend û stargehên çeteyên DAIŞ’ê yên li çiyayê Qereçoxê ya ser bi navçeya Mexmûrê gelek caran bombebaran kirine.

	&nbsp;

	Xazî Feysel da zanîn ku armanca bombebaranê hewldana tunekirina tevgerên çeteyên DAIŞ’ê yên li çiyayê Qereçox a Mexmûrê ye.

	&nbsp;