
Operasyona li Holê berdewam dike: 27 DAIŞ'î hatin girtin 

2022-08-26 15:49:34


	NAVENDA NÛÇEYAN - Operasyona Hêzên Ewlehiya Hundirîn ên Bakur û Rojhilatê Sûriyeyê li Kampa Holê daye destpêkirin di roja duyemîn de berdewam dike. Di operasyonê de 27 DAIŞ'î hatin girtin, 4 tunelên şer hatin tespîtkirin. &nbsp;&nbsp;

	Operasyona bi navê "Pêngava Mirovî û Ewlehiyê" ya Hêzên Ewlehiya Hundirîn ên Bakur û Rojhilatê Sûriyeyê ku li Kampa Holê daye destpêkirin di roja 2'yemîn de berdewam dike. Di operasyona bi piştgiriya HSD'ê, YPJ'ê û YPG'ê hatiye destpêkirin de, tê armanckirin ku DAIŞ'iyên di nava gel de xwe veşartine bên girtin. &nbsp;&nbsp;

	&nbsp;

	Li gorî daxuyaniya Hêzên Ewlehiya Hundirîn dane, endamên DAIŞ’ê di wargehê de 43 êriş pêk anîne. Di êrişan de 14 jê jin 2 jê zarok 44 kes hatine kuştin. Di van êrişan de demanceyên dengbir û amûrên bi bir hatine bikaranîn.&nbsp;

	&nbsp;

	OPERASYON BERDEWAM DIKE

	&nbsp;

	Di operasyonê de heta niha 27 endamên DAIŞ’ê hatin girtin. Her wiha 4 tunelên ku DAIŞ’î xwe lê veşêrin kolane hatin dîtin. Hêzên Ewlehiya Hundirîn dest bi dagirtina tunelan a bi axê kir.&nbsp;

	&nbsp;

	Li Wargeha Holê 54 hezar û 390 koçber û penaber dimînin. Ji van 27 hezar û 816 jê Iraqî ne, 18 hezar û 483 jê Sûriyeyî ne û 8 hezar û 91 jî ji malbatên endamên DAIŞ’ê pêk tên.&nbsp;

	&nbsp;

	&nbsp;