ROJEVA 20'Ê TEBAXA 2022'YAN 

2022-08-20 09:00:00


	 

	 

	* Siyasetmedar Hatîp Dîcle diyar kir ku AKP dê di şerê ku li dijî Bakur û Rojhilatê Sûriyeyê daye destpêkirin de têk biçe û got: “Divê em li her deverê li ber vî şerî rabin. Em bibin yek wê ev şer têk biçe.” 

	 

	* Endama Meclisa Partiyê ya DBP'ê Yuksel Mûtlû diyar kir ku jin dikarin li dijî êrîşan bên cem hev û li ser xeta têkoşîna hevpar rêya xwe bidomînin û got: "Ji bo vê hezar sedemên me hene."

	 

	* Endamên Meclisa Dayikên Aştiyê ya Hezexê bertek nîşanî tecrîda girankirî ya li ser Rêberê PKK'ê Abdullah Ocalan dan û gotin: "Em dixwazin ku xeberekê ji Îmraliyê bistînin." 

	 

	* Nobeda Edaletê ya Malbata Şenyaşar dê di roja 530'yemîn de berdewam bike. 

	 

	* Xizmên Windakiriyan û şaxên ÎHD'ê yên Amed û Êlihê dê wek her hefteyê çalakiya "Bila winda bên dîtin û faîl bên darizandin" li dar bixin. (11.00) 

	 

	* Dayikên Şemiyê ji bo li aqûbeta windakiriyan bipirsin û daxwaza cezakirina faîlan bikin dê di hefteya 907'emîn de li ser online çalakiya xwe li dar bixin. (12.00) 

	 

	* Şaxên ÎHD'ê yên Stenbol, Enqere û Îzmîrê wek her hefteyê çalakiya ji bo balê bikişînin ser rewşa girtiyên nexweş li dar bixin. (13.00)

	 

	* MATUHAY-DER, ANYAKAYDER, HDP, DBP, HDK û TJA ji bo balê bikişînin ser mirinên li girtîgehan dê li Qada Kartala Stenbolê daxuyanî bidin. (15.00) 

	 

	* Rêxistina HDP'ê ya Bajarê Mêrsînê dê bi dirûşma "Li dijî şer û mêtingeriyê azadiya civakî" li ber avahiya HDP'ê ya Navçeya Akdenîzê civata gel li dar bixe. (19.00)