
Cenazeyê zarokê ku di bendava 'ewlehiyê' de winda bûbû hat dîtin

2022-08-17 13:25:13


	&nbsp;

	ŞIRNEX &nbsp;- Cenazeyê Enver Baykir ê ku di bendava “ewlehiyê” ya li gundê Kiror a Qilebanê de xeniqîbû hat dîtin.&nbsp;

	&nbsp;

	Zarokê bi nave Enver Baykir ê 15 salî duh ketibû bendava “ewlehiyê” ya Mûsa Tepe a li gundê Kiror a navçeya Qilebana Şirnexê û piştre winda bûbû. Çawa ku agahî dan tîmên tenduristiyê û cendirmeyan di nava bendavê de karûbarên lêgerîna cenazeyê Baykir hatin destpêkirin. Tîmên AFAD’ê yên Şirnex, Amed û Êlihê û noqavên Şaredariyên Êlih û Tetwanê ji bo dîtina cenazeyê Baykir dest bi lêgerînê kirin û vê sibê cenazeyê Baykir hat dîtin.&nbsp;

	&nbsp;

	Cenazeyê Baykir ji bo karûbarên otopsiyê rakirin morga Nexweşxneya Dewletê ya Şirnexê. Cenazeyê Baykir piştî karûbarên otopsiyê dê li gundê Kiror bê veşartin.&nbsp;

	&nbsp;

	BENDAVÊN BITALÛKE

	&nbsp;

	Li aliyê din, di salên dawî de li herêmê di bin navê “ewlehiyê” de bendavên hatine çêkirin bûne cihê telûkeyê. Li herêmê di navbera her 50 kîlometreyan de 7 bendavên "ewlehiyê" hatine çêkirin û bi ava van bendavan ne avdanî tê kirin ne jî ceyran tê hilberandin.&nbsp;

	&nbsp;