
Biryara AYM’ê ya ji bo Alî Îsmaîl Korkmaz: Polîs dê careke din were darizandin 

2022-08-09 09:55:02


	ENQERE - AYM’ê serlêdana malbata Alî Îsmaîl Korkmaz a bi sedema “binpêkirina qedexeya ezyetê” qebûl kir û biryar da ku tazmînat were dayîn û polîs Huseyîn Ergîn dîsa were darizandin.&nbsp;

	&nbsp;

	Xwendekarê zanîngehê Alî Îsmaîl Korkmaz di sala 2013’an de li Eskîşehîrê di dema çalakiyên Parka Geziyê de li kolanekê ji hêla polîs û sivîlan ve bi lêdanê hatibû qetilkirin. Malbata Korkmaz serî li Dadgeha Makeqanûnê (AYM) dabû û AYM’ê biryara xwe da. Bavê Korkmaz, Şehap Korkmaz, dayika wî Emel Korkmaz û xwîşk û birayên wî Gurkan Korkmaz, Melîke Çakirkaya û Aylîn Taktuk têkildarî bûyerê bi van sedeman serî li AYM’ê dabû: “Lêpirsîneke bibandor a cezayê nehate kirin. Şêweyê kuştinê û encamên neyînî yên beriya mirinê û piştî mirinê êşeke giran bi malbatê da kişandin û mafê me yê jiyanê hate binpêkirin. Her wiha mafê me yê civîn, xwepêşandan û meşan hate binpêkirin û rastî nêzikatiyeke xerab hatin.”&nbsp;

	&nbsp;

	Dadgeha Makeqanûnê têkildarî îdiayên “Mafê jiyanê hatiye binpêkirin”, “mafê civîn, xwepêşandan û meşê hatiye binpêkirin” û “qedexeya nêzikatiya xerab hatiye binpêkirin”, bi piraniyan dengan û bi hinceta “ji hêla şexs ve bêrayetî” got ku nayên qebûlkirin.&nbsp;

	&nbsp;

	DÊ POLÎS CAREKE DIN WERE DARIZANDIN

	&nbsp;

	Bi domdarî AYM’ê îdiaya “qedexeya ezyetê hatiye binpêkirin” bi piraniya dengan qebûl kir.&nbsp;

	&nbsp;

	AYM’ê biryar da ku tazmînat were dayîn û polîsê bi navê Huseyîn Ergîn jî careke din were darizandin.&nbsp;

	&nbsp;