
Li Dêrsimê rojê 120 kes bi koronayê dikevin

2022-07-25 11:23:52


	DÊRSIM - Hevserokê Şaxa SES’a Dêrsimê Kahraman Yuruk destnîşan kir ku di 20 rojên dawî de pêketiyên Kovîd-19'ê gelek zêde bûne û di rojê de 120 kes pê nexweşiya koronayê dikevin.&nbsp;

	&nbsp;

	Li Tirkiyeyê di rojên dawî de gelek gelek kes bi nexweşiya Kovîd-19’ê dikevin. Wezîrê Tendûristiyê Fahrettîn Koca jî di rojên derbasbûyî de zêdebûna nexweşên bi koronayê ketine qebûl kir û anî ziman ku hejmara nexweşên koronayê 40 qet zêde bûne û ev yek jî barê nexweşxaneyan 3 qet zêdetir dike.&nbsp;

	&nbsp;

	Ji bajarên ku nexwşiya koronayê lê zede bûye yek jî Dêrsim e. Têkildarî mijarê Hevserokê Sendîkaya Kedkarên Tendûristî û Xizmeta Civakî (SES) ya Şaxa Dêrsimê Kahraman Yuruk anî ziman ku di 20 rojên dawî de gelek kes pê nexweşiya Kovîd -19’ê ketine&nbsp;

	&nbsp;

	DIBE KU 400 KES BIN JÎ&nbsp;

	&nbsp;

	Yuruk destnîşan kir ku girêdayî kesên ku testên nexweşiyê digirin hejmara nexweşan jî zêde dibe. Yuruk diyar kir ku rojê dora 120 kes bi koronayê dikevin û testa nexweşiyê li kesên dor nexweş û temas kirine nayê kirin. Yuruk wiha dirêjî da axaftina xwe: “Niha testa nexweşiyê li kesên ku temasî nexweşan kirine nayê kirin û li ser kesê ku bi koronayê ketiye şertên karantînayê nayê ferzkirin. Ji ber vê yekê dema em rewşa kesên ku nexweşiyê bi sivikahî derbas dikin, kesên ku naçin test nagirin û kesên neçar ên diçin kar didin berçavan dikarin bêjin ku hejmara kesên bi koronayê dikevin, rojê dibe ku dora 400 kes jî bin."&nbsp;

	&nbsp;

	'TEVDÎR NAYÊN GIRTIN’

	&nbsp;

	Yuruk diyar kir ku halê hazir kes li nexweşxaneyê ji ber nexweşiya koronayê nehatiye razandin û wiha axivi: “Li bajarê me ji bilî texmînên Wezareta Tenduristiyê tû tevdîr nayên girtin. Ji bilî tevdirên welatiyan yên bi tena serê xwe digirin, tu tevdîrên saziyan nîn in.”

	&nbsp;

	Yuruk bal kişand ser zêdebûna nexweşiyê û anî ziman ku ev zêdebûn mijara doza bibîrxistinê jî xistiye rojevê û axaftina xwe wiha bi dawî kir: “Kesên ku pergala laşê wan a xweparastinê têkçûne û yên ku nexweşiyên wan ên kronîk hene di bin talukeyê de ne. Taybetî jî ji bo van kesan doza bibîrxistinê tê pêşniyarkirin. Ciwan û kesê ku ne di koma rîskê de ne ji bo ku asta antikora laşê xwe zêde dikin dikarin doza bibîrxistinê li xwe bikin. Divê kesên ciwan û yên rewşa wan baş, kesên di koma rîskê de biparêzin û rê nedin nexweşî bi mutasyonê belav bibe."&nbsp;

	&nbsp;

	MA / Mujdat Can&nbsp;

	&nbsp;