
Xelkê Reqayê Komkujiya Zaxoyê şermezar kir 

2022-07-24 17:02:24


	NAVENDA NÛÇEYAN &nbsp;- Bi sedan şêniyên Reqayê êrişa bi mebesta protestokirina komkujiya dewleta tirk a li Zaxoyê meşek li dar xist û komkujî şermezar kirin. Çalakvanan li dijî êrişên Tirkiyeyê banga xurtkirina yekitiyê kirin.

	&nbsp;

	Bi mebesta protestokirina komkujiya dewleta tirk ku di 20’ê tîrmehê de li qada geştê ya Perex ê Zaxo ya Herêma Federal a Kurdistanê pêk anî û 9 sivîl hatibûn qetilkirin, bi sedan şêniyên Reqayê, endamên saziyên sivîl û rûspiyên eşîran li pêşiya Baxçeyê Reşîd a Reqayê kom bûn û meşiyan. Di meşê de pankart, wêneyên kesên jiyana xwe ji dest dane û alayên HSD’ê hatin rakirin.&nbsp;

	&nbsp;

	Çalakvan ber bi Çerxerêya Neîm ve çûn û di dema meşê de xwestin ku qada hewayî ya li Tirkiyeyê bê girtin da ku êdî nekare li Sûriye û Iraqê sûcên şer bike. Beşdarên ku gihiştin Çerxerêya Neîm, li wir daxuyanî dan. Daxuyanî ji hêla Hevserokê Meclisa Sivîl a Reqayê Ehmed Xelîl ve hate xwendin.&nbsp;

	&nbsp;

	‘DIXWAZIN ÎMPARATORIYA OSMANÎ ZINDÎ BIKIN’

	&nbsp;

	Ehmed Xelîl di serî de êrişên Tirkiyeyê şermezar kir û wiha got: “Xewna Mîsak-i Mîllî û zindîkirina Împaratoriya Osmanî ya Erdogan hêj didome. Lewma hemû destwerdanên Tirkiyeyê bandoreke neyînî li Sûriyeyê dike. Êrişên domdar ên li dijî gund û bajarên me yên ser sînor berdewam in û gelek sivîl tên qetilkirin. Ev êriş îro xetereyeke mezintir e. Bi balafirên bêmirov sivîlan hedef digirin. Divê dewletên garantor bi erka xwe ya exlaqî rabin û pêşî li ber van êrişan bigirin.”

	&nbsp;

	‘TIRKIYE SÛCÊN ŞER DIKE’

	&nbsp;

	Li ser navê Meclisa Malbatên Şehîdan jî hevseroka meclisê Ibtîsam Ehmed axivî. Ehmed, destnîşan kir ku Tirkiye li dijî gelên Sûriyeyê sûcên şer dike û biryarên Konseya Ewlekariyê ya Neteweyên Yekbûyî (NY) binpê dike. Bi domdarî Ehmed ev tişt anî ziman: “Kiryarên wan bi van êrişan bisînor neman û li Zaxo jî komkujî kirin. Derdê wan ew e ku wê xakê dagir bikin. Em van êrişan şermezar dikin.”&nbsp;

	&nbsp;

	BANGA XURTKIRINA YEKITIYÊ

	&nbsp;

	Li ser navê Kombûna Jinan a Zenûbiyayê jî komkujiya Tirkiyeyê şermezar kir û axaftina xwe wiha bi dawî kir: “Ev komkujî piştî civîna Rûsya, Îran û Tirkiyeyê ya li Tehranê pêk hat. Gelo ev komkujî li ser erêkirina wan hatiye kirin? Banga me ji bo gelên Iraq û Sûriyeyê ew e ku li dijî van êrişên dewleta tirk yekitiya xwe xurttir bikin.”&nbsp;

	&nbsp;

	Di dawiya daxuyaniyê de çalakvanan bi dirûşman êrişên Tirkiyeyê yên li dijî başûrê Kurdistanê û Bakur û Rojhilatê Sûriyeyê şermezar kirin.&nbsp;

	&nbsp;