
Sazî û partiyên kurd di 99’emîn salvegera Peymana Lozanê de li Lozanê civiyan

2022-07-24 13:59:32


	NAVENDA NÛÇEYAN &nbsp;- Bi wesîleya 99’emîn salvegera Peymana Lozanê, nûnerên 57 partiyên siyasî û saziyên civaka sivîl ên kurd li Lozanê konferansek li dar xist.&nbsp;

	&nbsp;

	Bi wesîleya 99’emîn salvegera Peymana Lozanê, nûnerên 57 partiyên siyasî, saziyan, rewşenbîr, hunermend, siyasetmedar û akademîsyenên kurd li Lozanê hatin ba hev. Konferans li Qada Ripponneyê li Qesra Rumine ku peyman lê hatibû îmzekirin hat organîzekirin. Di dîwana konferansê de Zubeyîr Aydar, Azîz Memlî, Dilşah Osman û Blase Jabbar Ferman hebûn.&nbsp;

	&nbsp;

	Hevserokê Kongreya Neteweyî ya Kurdistanê (KNK) Ahmet Karamus got ku bi ser Peymana Lozanê re 99 sal derbas bûn û ev tişt anî ziman: “Dê di konferansê de helwesta hemû sazî û şexsiyetên kurdistanî ya li dijî peymanê bê destnîşankirin.”&nbsp;

	&nbsp;

	Piştî sînevîzyoneke derheqê Peymana Lozanê de, ji Rêveberiya Xweser a Bakur û Rojhilatê Sûriyeyê Abdulkadîr Omer di konferansê de axivî. Konferans, bi axaftinan didome.&nbsp;

	&nbsp;