
Ji bo Geverê sewqiyeta leşkerî 

2022-07-20 10:58:46


	&nbsp;

	COLEMÊRG - Di nava vê meha dawî de ji Denîzlî û Çanakkaleyê gelek leşker ber bi Gever û Şemzînanê ve hatin veguhestin. Her wiha liv û tevgera leşkerî ya li herêmê jî berdewam e.&nbsp;

	&nbsp;

	Êrişa Tirkiyeyê ya di 17’ê nîsanê de li dijî herêmên Zap, Metîna û Avaşîn ên Herêma Federal a Kurdistanê daye destpêkirin, berdewam dike. Di çarçoveya êrişan de li herêmê pevçûnên dijwar diqewimin. Hema hema her roj ber bi Colemêrgê ve leşker tên veguhestin û liv û tevgereke zêde ya helîkopteran li herêmê heye.&nbsp;

	&nbsp;

	SEWQIYETA ALAVÊN TIBBÎ&nbsp;

	&nbsp;

	Operasyon, li Geverê tê birêvebirin û şevê din saetên êvarê de gelek ekîpmanên leşkerî, alavên tibbî û yên jiyanî ber bi 34’emîn Fermandariya Lîwaya Sînor a Şemzînanê ve hatin veguhestin.&nbsp;

	&nbsp;

	GELEK KOMANDO JI ÇANAKKALE Û DENÎZLIYÊ ANÎN GEVERÊ&nbsp;

	&nbsp;

	Her wiha li gorî agahiyên hatin bidestxistin; di nava vê meha dawî de ji 5’emîn Lîwaya Komando ya Çanakkaleyê û ji 11’emîn Lîwaya Komando ya Denîzliyê nêzî 600 leşker li Fermandariya Cendirmeyan a Geverê hatin veguhestin.&nbsp;

	&nbsp;