
Sûlava Hankeyê li benda tescîlkirina bilindahiyê ye

2022-07-20 10:02:46


	&nbsp;

	ŞIRNEX - Sûlava Hankeyê ya Qilebanê li Tirkiye û herêmê bilindtirîn sûlav e û li bendê ye ku rayedar bilindahiya wê tescîl bikin.

	&nbsp;

	Sûlava Hankeyê di nava sînorên bajarokê Hîlal a Qileban a Şirnexê de ye û ava wê ji çiyayê Hanke û zozanên wê tê. Sûlav, bi 184 mîtroyan bilind e û li Tirkiye û herêmê sûlava herî bilind e. Bilindahiya Çiyayê Hankeyê 2 hezar 800 mîtro ye û xwedî zinarên bi heybet e. Sûlav, di nava xweşikiyeke wiha ya xwezayê de ye û kesên diçin serdanê jî sermest dike. Her sal bi sedan kes ji bo ku biçin û sûlavê bibînin berê xwe didin bajarokê Hankeyê.

	&nbsp;

	NAXIN QEYDÊN FERMÎ DE&nbsp;

	&nbsp;

	Ji ber ku bilindahiya sûlavê nayê tescîlkirin, li Tirkiyeyê sûlava herî bilind bi bilindahiya xwe ya 48 mîtroyan weke Sûlava Tortûm a li Erziromê tê qebûlkirin. Lê Sûlava Hankeyê bi bilindahiya xwe ya ji 184 mîtroyan ve li Tirkiye û herêmê bilintirîn sûlav e. Sûlav li benda rayedaran e ku bilindahiya wê tescîl bikin.

	&nbsp;&nbsp;&nbsp;

	MA / Omer Akin

	&nbsp;