
Tê gotin ku gelek cenazeyên leşkeran li nexweşxaneyên Colemêrgê ne 

2022-07-08 10:03:35


	&nbsp;

	COLEMÊRG - Di 4 rojên dawî de cenazeyên 27 leşkerên ku di çarçoveya operasyonên li Herêma Federal a Kurdistanê de jiyana xwe ji dest dabûn anîn Nexweşxaneya Dewletê ya Colemêrg û Geverê.

	&nbsp;

	Operasyonên Hêzên Çekdar ên Tirk (TSK) bi hevkariya Partiya Demokrat a Kurdistanê (PDK) di 17’ê Nîsanê de li dijî herêmên Zap, Avaşîn û Metîna yên Herêma Kurdistana Federe hatibûn destpêkirin, bi şer û pevçûnên dijwar didomin. Çapemeniya Tirk çiqasî hewl dide windahiyên xwe yên di operasyonên di roja 82’yemîn de didomin veşêre jî, TSK û Wezareta Parastina Netewî (MSB) neçar dimînin nasnameya leşkerên di şer de tên kuştin eşkere dikin.

	Li ser xeta sînor a Colemêrgê ku cihê operasyon lê tên kordîne û kontrol kirin, tevgera hewayî û sewqiyata leşkerî ya her roj bênavber didome.

	&nbsp;

	27 CENAZEYÊN LEŞKERAM ANÎNE NEXWEŞXANEYAN&nbsp;

	&nbsp;

	Cerdevanên ku ji operasyonan vegeriyan diyar kirin ku ji 3'ê tîrmehê û vir ve li herêmên Zap, Avaşîn û Metîna şerên dijwar diqewimin û li herêmê gelek leşkerên mirî û birîndar hene. Hate hînbûn ku di heman pevçûnan û di nava 4 rojan de, 19 cenaze anîn Nexweşxaneya Dewletê ya Colemêrgê û 8 cenaze jî anîn Nexweşxaneya Dewletê ya Geverê.

	&nbsp;

	Hate diyarkirin ku piştî karûbarên otopsiyê yên cenazeyên leşkerên mirî, bi 3 balafirên leşkerî yên kargo û yên ku pêdiviyên leşkerî yên tibî, xwarin û amûr tîne Balafirgeha Sellahattîn Eyûbî ya Geverê, cenazeyên wan şandine bajarên wan.

	&nbsp;

	150 LEŞKERÊN BIRÎNDAR LI TUGAYA COLÊMERGÊ NE&nbsp;

	&nbsp;

	Li gorî agahiyên ku ji cerdevan û çavkaniyên herêmî yên ku beşdarî operasyona li herêmê bûne hatin bidestxistin, bi taybetî li herêma Zapê şerê dijwar diqewime û li nexweşxaneyên Sahra û depoyên sar ên li nava herêmê hatine avakirin cih nemaye. Hate hînbûn ku tedawiya nêzî 150 leşkerên birîndar ên li Tugaya Dag Komando ya Colemêrgê didome.

	&nbsp;

	TEQEMENIYAN BI KUÇIKAN VE GIRÊ DIDIN Û DI9ŞÎNIN ŞIKEFTAN&nbsp;

	&nbsp;

	Cerdevanên ku ji operasyonê vegeriyan diyar kirin ku tevî hevkaria PDK'ê li herêmên Avaşîn, Metîna û Werxelê jî leşkerên Tirkiyeyê ti pêşketin bi dest nexistin, leşkeran kamerayên gopro û teqemenî danîne ser kuçikan û şandin şikeftan. Cerdevanan diyar kirin roj nîne ku leşkerek mirî û birîndar nebe û roj nîne jî ku şer dernekeve. Cerdevanan ragihand ku ji ber çalakiyên gerîlayan ên li dijî helîkopteran pêk tên, ji ber vê yekê helîkopter nikarin erzaq û kelûpelan ji leşkeran re bibin û leşker bi rojan tî û birçî dimînin. Her wiha hat diyarkirin ku di encama heman çalakiyan de ji ber helîkopter derbên giran dixwin, cenazeyên leşkerên tên kuştin û birîndar dibin jî bi saetan bêyî mudaxile bê kirin, li erdê dimînin.&nbsp;

	&nbsp;

	LEŞKER HEWL DIDIN KU RAPOR BIGIRIN Û NEÇIN ŞER

	&nbsp;

	Li gorî agahiyên ji çavkaniyên herêmî hatin girtin, hate diyarkirin ku dema di şer de pêşketin çênabe, leşker raporan werdigirin û hewl didin neçin operasyonê û şer. Her wiha hat zanîn ku cerdevanan jî hewl daye ku heman tiştî bikin û heke ev pêk neyê dê dest ji cerdevaniyê berdin.&nbsp;

	&nbsp;