
Meşa 'Kurdistanê biparêze' ya li Dusseldorfê dest pê kir   

2022-06-25 14:09:16


	&nbsp;

	NAVENDA NÛÇEYAN - Meşa Dusseldorfê ya bi dirûşma "Kurdistanê biparêze" a li dijî êrişên Tirkiyeyê û bikaranîna çekên kîmyewî ya Tirkiyeyê dest pê kir.&nbsp;

	&nbsp;

	Bi pêşengiya Tevgera Jinên Kurd a Ewropayê (TJK-E) û Kongreya Civaka Demokratîk a Kurdistaniyên li Ewropayê (KCDK-E) bi diruşmên "Li dijî dewleta tirk û bikaranîna çekên kîmyewî ya dewleta tirk, parastina Kurdistanê bike" dest bi meşa li Dusseldorfê hat kirin. Bi dehan siyasetmedar, hunermend û aktîvîst jî di nav de bi hezaran kes tev li meşê bûye.&nbsp;

	&nbsp;

	Kurdistaniyan serê sibehê li Kirscheplatzê civiyan, bi diruşmên "Bijî Serok Apo", "Bijî berxwedana gerîla", "Bijî PKK", "Bimirê Îxanet" ber bi qada civînê ya Dusseldorf Graf-Adolf-Platzê ve dest bi meşê kirin. Beriya meş dest pê bike bi sedan welatî govend gerandin û silavên xwe ji berxwedana Kurdistanê re şandin.&nbsp;

	&nbsp;

	Girseya ji hezaran kes pêk tê bi xwendina sirûda "Ey Reqîb" dest bi meşê kir. Tê payîn ku meş li Rheinparkê bi dawî bibe û mitîngek bê lidarxistin. Nûnerên partiyên siyasî û yên mafê mirovan ên ji çar parên Kurdistanê û ji welatên cihê yên cîhanê, ekolojîst, nûnerên tevgerên jinan û li ser navê Êzîdî, Tamîl û Zapatîstayan jî dê di mitîngê de biaxivin.&nbsp;

	&nbsp;