
Saziyên çapemeniyê ev 15 roj in dorpêçkirî ne 

2022-06-22 15:30:39


	&nbsp;

	AMED - Bi ser girtina 16 rojnamegeran re hefteyek derbas bû lê belê şîrketên Produksiyonê yên Piya û Arî hêj di bin dorpêça polîsan de ne. Lêgerîna li kargehan bêyî ku agahiyek bi parêzeran re were parvekirin didome.&nbsp;

	&nbsp;

	Di 8’ê hezîranê de 20 jê rojnameger bi giştî 22 kes hatin binçavkirin û bi ser ajans û kargehên wan ên produksiyonê de hate girtin. Di serdegirtinan de gelek kamera, kompîtir û materyalên dijîtal hatin desteserkirin. Di 8’ê hezîranê de lêgerîna li Produksiyona Fîlman a Pelê bi dawî bû lê belê li gel ku 15 roj bi ser re derbas bûn jî lêgerîna li avahiyên produksiyonên Piya û Ariyê berdewam dike.&nbsp;

	&nbsp;

	Ev 15 roj in ku polîsan avahiya 4 qat a kargehên produksiyonê û derdora wê xistine dorpêçê. Parêzerên produksiyonên Piya û Ariyê bi dozger re hevdîtin kirin û diyar kirin ku têkildarî sedem û lêgerîna li avahiyê ji wan re agahiyek nehatiye parvekirin.&nbsp;

	&nbsp;

	DEST DANÎN SER GELEK EKÎPMANAN

	&nbsp;

	Di encama serdegirtina produksiyonên Piya, Arî û buroya navendî ya JINNEWS’ê ya li navçeya Yenîşehîrê de gelek alav û amûr hatin desteserkirin.&nbsp;

	&nbsp;

	ROJNAMEGER 7 ROJ IN GIRTÎ NE

	&nbsp;

	Bi ser girtina rojnamegerên re hefteyek derbas bû ku bi xebatên rojnamegeriyê dihatin sûcdarkirin. Rojnamegerên girtî niha li Girtîgeha Tîpa D a Amedê tên ragirtin.&nbsp;

	&nbsp;

	ÇI BÛBÛ?

	&nbsp;

	Di çarçoveya lêpirsîna Serdozgeriya Komarê ya Amedê de 20 jê rojnameger bi giştî 22 kes hatibûn binçavkirin. Ji rojnamegeran Midûra JINNEWS’ê Safiye Alagaş, Hevserokê DFG’ê Serdar Altan, Midûrê Karên Nivîsan ê Rojnameya Xwebûnê Mehmet Alî Ertaş, Edîtorê MA’yê Azîz Oruç, &nbsp;Zeynel Abîdîn Bûlût, Omer Çelîk, Mazlum Dogan Guler, Îbrahîm Koyuncu, Neşe Toprak, Elîf Ungur, Abdurrahman Oncu, Suat Doguhan, Remziye Temel, Ramazan Gecîken, Lezgîn Akdenîz û Mehmet Şahîn bi îdiaya “Endamtiya rêxistinê” hatin girtin. Her wiha rojnameger Gulşen Koçuk, Esmer Tunç, Mehmet Yalçin, Kadîr Bayram, Feynaz Koçuk û Îhsan Ergulen jî bi şertê kontrola edlî hatin berdan.&nbsp;

	&nbsp;