
Rojnamevan li edliyeyê ne: Dozger bi daxwaza girtinê dest bi îfadeyan kir 

2022-06-15 10:28:16


	&nbsp;

	AMED - 20 jê rojnamevan 22 kesên 8 roj in li Amedê di bin çavan de dihatin ragirtin, sewqî edliyeyê hatin kirin. Dozger xwest ku Midura Jinnewsê Safiye Alagaş û edîtorê MA'yê Azîz Orûç ên îfadeyên wan wergirtin bên girtin.&nbsp;

	&nbsp;

	Hevserokê Komeleya Rojnamegeran a Dîcle Firatê (DFG) Serdar Altan, Midûrê Karên Nivîsan ê Rojnameya Xwebûnê Mehmet Alî Ertaş, Midûra JINNEWS’ê Safiye Alagaş, edîtora JINNEWS’ê Gulşen Koçûk, edîtorê Ajansa Mezopotamyayê (MA) Azîz Orûç di nav de 20 jê rojnamevan 22 kes ji 8’ê Hezîranê ve di bin çavan de ne. 22 kesên 8 roj in di bin çavan de ne sewqî edliyeyê hatin kirin.&nbsp;

	&nbsp;

	22 kesên &nbsp;8 roj bûn li Miduriyeta Polîsan a Amedê dihatin ragirtin, di girtina îfadeyan a miduriyetê de mafê xwe yê neaxaftinê bikaranîn. Dozger dest bi wergirtin îfadeyên rojnamevanan kirin. Dozgerê ku ewilî îfadeyên Midura Jinnewsê Safiye Alagaş û edîtorê MA'yê Azîz Orûç wergirtin, her du jî bi daxwaza girtinê sewqî dadgehê kirin. Dozger girtina îfadeyan a rojnamevanên din didomîne.&nbsp;

	&nbsp;

	22 KES LI EDLIYEYÊ NE

	&nbsp;

	Navên 20 jê rojnamevan 22 kesên di bin çavan de wiha ne: Hevserokê Komeleya Rojnamevanan a Dîcle Firatê Serdar Altan, Midûrê Karên Nivîsan a Rojnameya Xwebûnê Mehmet Alî Ertaş, nûçegihanê Xwebûnê Zeynel Abîdîn Bulut, Midûra JINNEWS'ê Safiye Alagaş, edîtora JINNEWS'ê Gulşen Koçûk, edîtorê Ajansa Mezopotamyayê (MA) Azîz Orûç û rojnamevan Omer Çelîk, Lezgîn Akdenîz, Mehmet Şahîn, Sûat Dogûhan, Ramazan Gecîken, Neşe Toprak, Îbrahîm Koyûncû, Esmer Tûnç, Mazlûm Dogan Guler, Elîf Ungur, Remziye Temel, Abdurrahman Oncu, Kadîr Bayram, Mehmet Yalçin û her wiha welatiyên bi navê Feynaz Koçûk û Îhsan Ergulen.

	
		&nbsp;


	&nbsp;