
Doza Demîrtaş ku ji ‘gefxwarinê’ tê darizandin hat taloqkirin  

2022-06-13 16:50:01


	&nbsp;

	ENQERE - Selahattîn Demîrtaş di doza bi hêceta ku Serdozger Kocaman hedef daye nişandan ji nû ve tê darizandin de got: “Min gotiye hûnê di dadgehên serbixwe de hesab bidim. Di vir de hedef &nbsp;û gef tune ye.”&nbsp;

	&nbsp;

	Hevserokê Giştî yê HDP’ê yê berê Selahattîn Demîrtaş bi îdiaya ku Serdozgerê Komarê yê Enqereyê Yuksel Kocaman hedef daye nişandan 2 sal û nîv ceza lê hatibû birin. Dadgeha Herêma Enqereyê vî cezayî xera kiribû. Danişîna ewil a dozê ji nû ve li Dadgeha Cezayê Giran a Enqereyê ya 25’emîn hat lidarxistin.&nbsp;

	&nbsp;

	Demîrtaş ji girtîgeha lê girtî bi rêya SEGBÎS’ê tevli danişînê bû. Parêzer her du aliyan jî di danişînê de amade bûn. Demîrtaş di danişînê de axivî û wiha got: “Hûn fikirîn kum in we hedef nîşan daye. Min tiştek negotiye. Min gotiye hûnê li dadgehên serbixwe hesab bidin. Di vê gotina min de gef û hedef nişandan tune ye. Ez beraeta xwe daxwaz dikim.”&nbsp;

	&nbsp;

	Parêzerên Demîrtaş xwestin serokê dadgehê û endamek ku îmzeya wan di bin biryarê de heye, ji dozê vekişin. Dadgehê daxwazê red kir û danişînê taloqî wextek pêş kir.&nbsp;

	&nbsp;