
Girtiyên li Afyonê greva xwe ya birçîbûnê didomînin 

2022-06-09 14:15:17


	&nbsp;

	MÊRSÎN - Girtiyên ku li Girtîgeha Tîpa T a Afyonê çalakiya xwe ya greva birçîbûnê didomînin, diyar kirin ku heta daxwazên wan bên bersivandin wê bidomînin.

	&nbsp;

	Girtiyên ku li dijî pêkanînên bikêfî û zextên li Girtîgeha Hejmara 1 a bi Tîpa T a Afyonê derketibûn û di 25'ê gulanê de dest bi greva birçîbûnê ya bêdem û bêdorveger kiribûn, diyar kirin ku greva xwe didomînin. Gardiyanan, di 26'ê gulanê de bi ser qawişên 8 girtiyên ku ketin greva birçîbûnê de girtin û kirin hucreyên yekkesî. Girtî li hucreyên yekkesî jî greva xwe didomînin û 2 girtiyên din jî tev lî wan bûn. Girtiyan, bi rêya telefonê bi malbatên xwe re axivîn û ragihandin ku grevê didomînin û heta daxwazên wan bên bersivandin çalakiyên xwe bidomînin.&nbsp;

	&nbsp;

	Daxwazên girtiyan wiha ne:

	&nbsp;

	"* Bila jimartina li ser piya bê bidawîkirin.&nbsp;

	&nbsp;

	* Cezayê bikêfî yên hucreyên yekkesî bên bidarîkirin.&nbsp;

	&nbsp;

	* Bila şewitandin û taloqkirina înfazê ya girtiyên ku cezayên wan qediyane bên bidawîkirin.&nbsp;

	&nbsp;

	* Bila girtiyên nexweş li revîr û nexweşxaneyan di şertên guncav de bên tedawîkirin."

	&nbsp;

	Girtiyan ji siyasetmedar, ronakbir, nivîskar, çapamenî û raya giştî daxwaz kirin ku piştgirî bidin daxwazên wan û gotin ku wê teqez bi serkevin.&nbsp;

	&nbsp;

	&nbsp;