
Hejmara rojnamevanên hatin binçavkirin derket 21’an 

2022-06-08 16:55:52


	&nbsp;

	AMED - Li Amedê hejmara binçavkirina rojnamevanan derket 21’an. Rojnamevan Mehmet Elî Ertaş jî hat binçavkirin û 10 saetan kelemçekirî hat sekinandin.&nbsp;

	&nbsp;

	Serdozgeriya Komarê ya Amedê li dijî rojnamevanên kurd lêpirsînek da destpêkirin. Di çarçoveya lêpirsînê de serê sibehê Hevserokê Komeleya Rojnamevanan a Dîcle Firatê Serdar Altan, Midûra JINNEWS'ê Safiye Alagaş, edîtora JINNEWS'ê Gulşen Koçûk, edîtorê Ajansa Mezopotamyayê (MA) Azîz Orûç û rojnameger Omer Çelîk, Sûat Dogûhan, Ramazan Gecîken, Neşe Toprak, Îbrahîm Koyûncû, Esmer Tûnç, Mehmet Şahîn, Zeynel Abîdîn Bûlût, Mazlûm Dogan Guler, Elîf &nbsp;Ungur, Remziye Temel, Abdurrahman Oncu, Mehmet Yalçin hatin binçav kirin. Di çarçoveya heman lêpirsînê de Feynaz Koçuk jî li Stenbolê hat binçavkirin.&nbsp;

	&nbsp;

	ERTAŞ 10 SAET BI KELEMÇEKIRÎ HAT SEKINANDIN&nbsp;

	&nbsp;

	Di serdegirtina malan a li Amedê de rojnamevan Mehmet Alî Ertaş jî hat binçavkirin. Polîs hê jî li cihê ku Ertaş lê dimîne lêgerînê pêk tîne û Ertaş 10 saetan kelemçekirî hat sekinandin û piştre birin Midûriyeta Polîsan.&nbsp;

	&nbsp;

	AKDENÎZ Û BAYRAM JÎ HATIN BINÇAVKIRIN&nbsp;

	&nbsp;

	Rojnamevan Lezgîn Akdenîz û Kadîr Bayram jî ku ji navçeya Çinarê dihatin navenda Amedê bi rê de hatin bi hêceta “îfadeya we heye” hatin binçavkirin. Nehat zanîn ku Akdenîz û Bayram di çarçoveya kîjan lêpirsînê de hatin binçavkirin.&nbsp;

	&nbsp;

	&nbsp;

	Tê diyarkirin ku hejmara binçavkiriyan zêde bibe.&nbsp;

	&nbsp;