
Pena Kurd binçavkirina rojnamegerên kurd şermezar kir 

2022-06-08 10:22:55


	&nbsp;

	NAVENDA NÛÇEYAN - Pena Kurd, bi daxuyaniyeke nivîskî serdegirtina malên rojnamegeran û binçavkirina wan şermezar kir.&nbsp;

	&nbsp;

	Li Amedê, îro serê sibehê polisan bi ser malên rojnamegeran de girt û Hevserokê Komeleya Rojnamevanan a Dîcle Firatê Serdar Altan, Midûra JINNEWS'ê Safiye Alagaş, edîtora JINNEWS'ê Gulşen Koçûk, edîtorê Ajansa Mezopotamyayê (MA) Azîz Orûç û rojnameger Omer Çelîk, Sûat Dogûhan, Ramazan Gecîken, Berîvan Karatoprak, Neşe Toprak, Îbrahîm Koyûncû, Esmer Tûnç, Mehmet Şahîn, Zeynel Abîdîn Bûlût, Mazlûm Dogan Guler, Elîf &nbsp;Ungur, Remziye Temel binçav kirin.&nbsp;

	&nbsp;

	Pena Kurd, derbarê binçavkirina rojnamegeran de daxuyaniyeke nivîskî da û bertek nîşanî binçavkirina rojnamegeran da. Pena Kurd, di daxuyaniya xwe de navê rojnamegerên hatine binçavkirin da û diyar kir ku li Tirkiyeyê zext, zor û çewsandina li ser rojnamegeran û azadiya ramanê her ku diçe zêdetir dibe û ev tişt got: " Em wekî Navenda Pena Kurd ji ber zext û zora li ser rojnamegeran û binpêkirina ravekirina fikir û ramanê xemgîn û dilgiran in, rewşa heyî ya nexweş şermezar dikin û hêvî dikin ku rojnamegerên hatine binçavkirin yekser û demildest bêne berdan."

	&nbsp;