
Li Enqereyê 16 ciwan hatin berdan  

2022-06-04 10:17:43


	&nbsp;

	ENQERE – Li Enqereyê bi sedema ku beşdarî Meşa Şoreşê ya ODTU’yê bûne, 16 ciwan hatibûn binçavkirin. Piştî binçavkiriya 6 rojan, tevek jî hatin berdan.&nbsp;

	&nbsp;

	Polîsan di çarçoveya lêpirsîna Serdozgeriya Komarê ya Enqereyê de di 19’ê gulanê de li Enqereyê bi ser gelek malan de girtin. Di encama serdegirtina malan de 9 jê jin bi giştî 16 kes hatibûn binçavkirin. Ji ber tevlibûna Meşa Şoreşê ya ODTU’yê, bi îdiayên “endamtiya rêxistinê” û “propagandaya rêxistinê” hatin sûcdarkirin û 6 rojan di bin çavan de man. Kesên binçavkirî duh derxistin edliyeyê.&nbsp;

	&nbsp;

	Ji binçavkiriyên derxistin pêşberî dozgeriyê Rûken Gul, Mûstafa Demîr, Mert Orhan Omerbeyoglu, Lokman Sefkan Ozgan û Hakki Zengîn bi îdiaya “Endamtiya rêxistinê” hatin sûcdarkirin û bi şertê kontrola edlî hatin berdan û Bêrîvan Kaylu, Ozgur Abul, Hîvda Selen, Kiymet Cengîz, Ebrar Uz, Dîlan Mollaahmetoglu, Berfîn Babaoglu, Dîlan Yakin, Yaprak Delfîn Turgan, Eda Kahraman û Cîhat Uygur jî bi daxwaza girtinê sewqî dadgehê hatin kirin.

	&nbsp;

	Lêpirsîna 16 kesên bi daxwaza girtinê sewqî 2’yemîn Dadgeha Cezayên Silhê ya Enqereyê hatine kirin, heta serê sibehê berdewam kir. Dadgeriyê bi şertê kontrola edlî tevahiya ciwanan berdan.&nbsp;

	&nbsp;