Rêxistinên pîşeyî yên rojnamegeran serdana HDP'ê kirin 2022-06-01 16:27:20   ENQERE - Rêxistinên pîşeyî yên rojnamegeran derbarê "qanûna dezenformasyonê" de ku li meclisê li ser tê axaftin serdana Koma HDP'ê ya Meclisê kirin û xwestin ku pêşniyarqanûn bê vekişandin.    Parlamenterên AKP-MHP'ê derbarê danekirinên (qanûna dezenfoprmasyonê) li ser medya sanal û înternetê de pêşniyarqanûnek amade kirin û pêşkêşî Serokatiya Meclisê kirin.    Serokê Komeleya Nûçegîhanên Parlamentoyê Kemal Aktaş, Sekreterê Giştî yê Cemiyeta Rojnamegeran Kenan Şener, Serokê Sendîkaya Rojnamegerên Tirkiyeyê Gokhan Dûrmûş, Alîkara Serokê Giştî yê Komeleya Rojnamegerên Hemdem Şeyma Paşayîgît û Serokê Komeleya Nûçegîhanên Aboriyê Tûrgay Turker jî di nav de heyetek ji rêxistinên pîşeyî yên rojnamegeran derbarê pêşniyarqanûnê de serdana  Koma HDP'ê ya Meclisê kirin.   Serokwekîla Koma HDP'ê Meral Daniş Beştaş nûnerên rêxistinan pêşwazî kir.    Nûnerên rêxistinên di serdanê de axivîn û xwestin ku pêşniyarqanûn bê vekişandin.