
Malbata Şenyaşar: Rûmet û hêza sekna li dijî bêedaletiyê, yên li ber xwe didin pê dizanin 

2022-05-27 11:50:30


	RIHA - Malbata Şenyaşar ku çalakiya wan a li pêşiya Edliyeya Rihayê didome ev peyam parve kirin: “Rûmet û hêza sekna li dijî bêedaletiyê, yên li ber xwe didin pê dizanin.”&nbsp;

	&nbsp;

	Xizm û parastvanên parlamenterê AKP’ê Îbrahîm Halîl Yildiz di 14’ê hezîrana sala 2018’an de li Pirsûsê êrişî dikana malbata Şenyaşar kir. Di êrişê de hevjîn û du kurên Emîne Şenyaşar hatin qetilkirin û kurê wê Ferît Şenyaşar jî bi birîndarî xelas bû. Emîne û Şenyaşar, bi mebesta darizandin û girtina kujeran, di 9’ê adara sala 2021’an de li pêşiya Edliyeya Rihayê dest bi çalakiya Nobeta Edaletê kirin. Çalakiya malbatê di roja 445’an de jî berdewam kir.&nbsp;

	&nbsp;

	Dayika Emîne Şenyaşar nexweş bû lewma nekarî îro beşdarî nobetê bibe. Ferît Şenyaşar, li pêşiya Edliyeya Rihayê çalakiyê didomîne.&nbsp;

	&nbsp;

	Malbatê li ser hesaba xwe ya medyaya civakî ev peyam parve kir: “Çalakiya Nobeta Edaletê ya malbata Şenyaşar di roja 445’an de berdewam dike. Herî zêde kesên rastî bêedaletiyê hatin bi êşa wê dizanin. Rûmet û hêza sekna li dijî bêedaletiyê jî yên li ber xwe didin pê dizanin. Nobeta me di roja 445’an de berdewam e.”

	&nbsp;