
Dayikên Aştiyê beraet bûn  

2022-05-18 15:47:31


	&nbsp;

	STENBOL - Dayikên Aştiyê ku bal kişandibûn ser greva birçîbûnê û ji ber vê yekê dihatin darizandin, beraet bûn.&nbsp;

	&nbsp;

	Dayikên Aştiyê di 13’ê gulana 2019’an de li navçeya Esenyûrda Stenbolê bi boneya balê kişandibûn ser greva birçîbûna ya li girtîgehan, derbarê wan de doz hatibû vekirin. 17 Dayikên Aştiyê û endamê MATUHAYDER’ê Ferhat Yildiz ku bi îdiaya “Muxalefetiya qanûna civîn û xwepêşandanan kirine” dihatin darizandin. Danişîna doza dayikan li Dadgeha Cezayê Asliye ya Buyukçekmeceya Stenbolê hat lidarxistin. Dayikên Aştiyê beşdarî danişînê nebûn. Parêzer Hebat Demîrcan di danişînê de amade bû.&nbsp;

	&nbsp;

	Dozger û dadger xwest dest ji guhdariya polîsan bê berdan. Dozger biryara xwe ya derbarê dozê de da û diyar kir ku çalakiya dayikan kiriye ne sûc e û xwest derbarê wan de biryara beraetê bê dayîn. Parêzer Demîrcan jî biryara beraetê xwest. Dadger jî diyar kir ku tişta ku bûye mijara sûc ne sûc e û derbarê dayikan de biryara beraetê da.&nbsp;

	&nbsp;