
Bîlançoya mehekî ya Şerê li Başûr

2022-05-15 12:13:39


	&nbsp;

	NAVENDA NÛÇEYAN - Hat destnîşankirin ku di nav mehekê de di êrişên Tirkiyê yên li dijî herêmên Zap, Metîna û Avaşînê de 427 leşker hatine kuştin.&nbsp;

	&nbsp;

	Êrişên ku Tirkiyeyê bi hevkariya Partiya Demokrat a Kurdistanê (KDP) di 17'ê nîsanê de li dijî herêmên Zap, Metîna û Avaşînê da destpêkirin, ji hewayî û bejahî ve didomin. Li gor agahiyên ku Ajansa Nûçeyan a Firatê (ANF) derbas kiriye, Navenda Ragihandina Çapameniyê ya HPG'ê, bîlançoya mehekê ya êrişan bi daxuyaniyekê aşkera kiriye û ragihandiye ku Tirkiyeyê di nava mehekê de 917 caran herêmê bi balefirên şer bombebaran kiriye.

	&nbsp;

	BIKARANÎNA ÇEKÊN KÎMYASAL

	&nbsp;

	Di daxuyaniyê de hatiye destnîşankirin ku Tirkiye di van êrişan de 164 caran çekên kîmyevî bi kar aniye û "sûcê şer" kiriye.&nbsp;

	&nbsp;

	Li gorî daxuyaniyê 25 endmên HPG û YJA-Starê jiyana xwe ji dest dane, di pevçûnên ku derketine de 427 leşker û cerdevan jî hatine kuştine û 88 kes jî birîndar bûne.&nbsp;

	&nbsp;

	Di daxuyaniyê de hat destnîşankirin ku helîkoptereke bi tîpa Skorsky hatiye xistin û tevî îmhakirina tangekî gelek amûrên leşkerî jî hatine destxistin.&nbsp;