
Seydaoglu: Hişê Ayverdî ne li serê wê ye  

2022-05-13 13:29:09


	AMED - Parêzer Rûşen Seydaoglu diyar kir ku Hicran Berna Ayverdî ya derbarê Selçûk Mizrakli û nêzî 800 kesî de îfade daye, hatiye belgekirin ku tiryakê kişandiye ye û hişê wê ne li serê wê ye.&nbsp;

	Hat îdiakirin ku Hicran Berna Ayverdî ya derbarê nêzî 800 kesî de îfade daye û di heman demê de derbarê Hevşaredarê Amedê Selçûk Mizrakli de jî îfade daye û ev îfade bû edema 9 sal cezayê hefsê li Mizrakli bê birîn, hatiye belgekirin ku tiryakê kişandiye û hişê wê ne li serê wê ye. Ayverdî ya ku ji Qanûna Poşmantiyê sûd wergirtiye û cezayek hindik lê hat birîn û pişt re hat berdan li ser endama Akademiya Jinan Fîgen Aras jî îfade daye. Danişîna doza Fîgen Aras li Dadgeha Cezayê Giran a Amedê ya 10’emîn hat lidarxistin.&nbsp;

	&nbsp;

	Aras û parêzera xwe Rûşen Seydaoglu di danişînê de amade bûn. Îtîrafkar Ayverdî jî bi rêya SEGBÎS’ê beşdarî danişînê hat kirin.&nbsp;

	&nbsp;

	Ayverdî îdia kir ku Fîgen Aras di “Meclisa KCK’ê ya Tirkiyeyê” de wezîfedar e û Aras van xebatan di bin navê “kooperatîfiyê” de bi rê ve biriye.&nbsp;

	&nbsp;

	Aras jî li dijî îdiayên îtîrafkarê da zanîn ku wê tu carî di xebata kooperatîfiyê de cih negirtiye û wê li Komeleya Jinan a Cerenê ku di bin banê Şaredariya Peyasê de bûye rêveberî kiriye.&nbsp;

	&nbsp;

	'BELGEYÊN ŞAHIDÊ HENE’&nbsp;

	&nbsp;

	Parêzer Rûşen Seydaoglu jî li dijî beyanên Ayverdî parastina miwekîla xwe kir û destnîşan kir ku îfadeyên Ayverdî ji “îdiayên razber” pêk tên û wiha got: “Şahid derbarê bi sedan kes de îfade daye. Di hin serdeman de tiryakê kişandiye. Tenduristiya hiş ango aqil a şahid ne li cih û belgeyên vê yekê jî hene. Tu palpiştiya beyanên şahidê tune ye. Ez dixwazim miwekîla min ji danişîna bê rizgarkirin. Ez dixwazim şertê kontrola edlî ya miwekîla min bê rakirin.”&nbsp;

	&nbsp;

	Dozger daxwaza Seydaoglu red kir û ji bo mutalayê amade bike xwest dosye jê re bê şandin.&nbsp;

	&nbsp;

	ŞERTÊ KONTROLA EDLÎ DÊ BIDOME&nbsp;

	&nbsp;

	Heyeta dadgehê daxwaza ku Aras ji danişînan bê rizgarkirin qebûl kir û biryara redkirina rakirina tedbîrên kontrola edlî da û danişînê taloqî 21’ê îlonê kir.&nbsp;

	&nbsp;