
Êrişa Tirkiyeyê ya li ser Kobanê: Welatiyek hat qetilkirin  

2022-05-11 14:46:00


	&nbsp;

	NAVENDA NÛÇEYAN - Di êrişa balafirên bêmirov û biçek ên Tirkiyeyê ya li dijî Kobanê de welatiyek hat qetilkirin.&nbsp;

	&nbsp;

	Balafirên bêmirov û biçek (SÎHA) ên Tirkiyeyê li başûrê Kobanê û navenda bajêr êrişên hewayî pêk anîn. Li gorî nûçeya Ajansa Nûçeyan a Hawarê (ANHA) êrişa yekemîn li ser rêya Helebê ya li başûrê Kobanê pêk hatiye û êrişa din jî li navenda bajarê Kobanê pêk hatiye. Di encama bombebaranê de welatiyê bi navê Ekrem Îstek hat qetilkirin.

	&nbsp;

	Istek sala 2014'an di dema êrişên DAIŞ'ê yên li ser Kobanê de pêk dihatin li ser banga seferberiya hatibû destpêkirin, berê xwe dabû Kobanê. Ekrem Îstek (50) ku zewicî ye û zarokên wî hene, piraniya jiyana xwe di xizmeta doza kurdî û tevgera rizgariya Kurdistanê de derbas kiriye.&nbsp;

	&nbsp;

	Ekrem Istek di salên 1990'î de ji aliyê dadgeha Tirkiyê ve hatiye girtin û 10 sal di girtîgehê de maye. Her wiha lawekî wî li Tirkiyeyê di girîgehê de tê ragirtin.

	&nbsp;

	Tê payîn ku sibê cenazeyê Îstek dê bi merasîmekê li Goristana Şehîd Dîcle bê veşartin.&nbsp;

	&nbsp;