
Ji bo mamosteyê kurdî Latîfî kampanyaya îmzeyê dest pê kir 

2022-05-10 15:24:16


	&nbsp;

	ENQERE - Ji bo mamosteyê kurdî û aktîvîst Kiyomars Latîfî ku li Îranê hatibû binçavkirin bê berdan kampanyaya destnîşanê hat destpêkirin.&nbsp;

	&nbsp;

	Li bajarê Sanandajê yê bi ser eyaleta Kurdistanê ya Îranê ve di 15'ê Sibata 2022'yan de endamên îstîhbarata Îranê bi ser mala mamoste û aktîvîstê kurd Kiyomars Latîfî de girtin û ew binçav kirin. Latîfî yê 41 salî hatiye girtin. Ji bo ku Latîfî bê berdan li ser www.change.orgê kampanya îmzeyê hat destpêkirin.

	&nbsp;

	GEF LI XIZMÊ WÎ JÎ HAT XWARIN&nbsp;

	&nbsp;

	Dema ku Latîfî hatiye girtin îşkence lê hatiye kirin û ji ber girtina Latîfî heya niha îstîhbarata Îranê tu daxuyanî nedaye. Di kêliya serdagirtina malbatê de xwîşka Latîfî, Arezou Latîfî ji ser hemdê xwe çûye û gefa destdirêjiyê li xwîşkên wî Mahtab û Haitat Latîfî hatiye xwarin. Her wiha hat gotin ku xizmê wî yê li Elmanyayê dijî Farid Latîfî bi rêya telefonê bi gefxwarinê re rûbirû maye.&nbsp;

	&nbsp;

	BANGA PIŞTGIRIYÊ&nbsp;

	&nbsp;

	Tê texmînkirin ku Latîfî yê ku bêyî destûrên dadgehê hatiye binçavkirin, li bajarê Sanandajê li navendekî binçavkirinê tê girtin. Di nivîsa kampanyayê hat diyarkirin ku Latîfî endamê Komeleya Mowlavî bû û ji ber vê yekê hatiye binçavkirin û niha ji jiyana wî di xeterê de ye. Di metna kampanyayê de banga çalakiya lezgîn ji bo Latîfî tê kirin û dê di dawiya kampanyayê de îmzeyên komkorî radestî Rêxistina Efûyê ya Navnetewî bên kirin.&nbsp;

	&nbsp;

	Lînka kampanya îmzeyê wiha ye:&nbsp;

	&nbsp;

	&nbsp;