
Li Meletiyê  ji bo Cejna Zimanê Kurdî çalakî

2022-05-09 18:59:45


	&nbsp;

	MELETÎ - Rêxistina HDP'ê ya Meletiyê starta çalakiyên ji bo 15'ê Gulanê Cejna Zimanê Kurdî yên ku dê li bajêr bên lidarxistin, da.&nbsp;

	&nbsp;

	Rêxistina Partiya Demokratîk a Gelan (HDP), têkildarî 15'ê Gulanê Cejna Zimanê Kurdî daxuyaniyek da û starta çalakiyên ji bo cejnê yên ku dê li bajêr bên lidarxistin da. Civîn li avahiya HDP'ê ya Meletiyê hat lidarxistin û di dema civînê de bi dowîzan nivîsa “Zimanê kurdî bila bibe zimanê fermî” hat çêkirin.&nbsp;

	&nbsp;

	Endamê Meclîsa Partiyê ya HDP'ê Îzzet Karadag di civînê de axivî. Karadag, bal kişand ser qedexeyên li ser zimanê kurdî û polîtîkaya bişavtinê û got: "Li hemberî kurdî polîtîkayeke bişavtinê ya mezin heye. Bi ser de em bi xwe jî oto-bişavtinê dikin. Em li mal bi zarokên xwe re bi kurdî naaxivin û bi kurdî nanivîsînin. Divê em bi kurdî biaxivin, bi kurdî binivîsînin û bi kurdî bijîn. Divê em li hemberî hemû bişavtinan bisekinin. Parastina ziman û çanda me peywira me ye."&nbsp;

	&nbsp;

	Endamê Desteya Rêvebir a Rêvebiriya Rêxistina HDP'ê ya Meletiyê Ebûbekîr Çeleb jî têkildarî Cejna Zimanê Kurdî de hin salox dan û got, dê roja yekşemê têkildarî Cejna Zimanê Kurdî de gotûbêjek bê lidarxistin û her kesî vexwand gotûbêjê.&nbsp;